قۇقىق قورعاۋ ورگاندارى حاسان كاسىمبايەۆقا قاتىستى تەرگەۋ جۇمىستارىن اياقتادى.
بۇل اقپاراتتى الماتى وبلىستىق پوليسيا دەپارتامەنتى راستادى. قازىرگى ۋاقىتتا ءىس ماتەريالدارى تاراپتارعا تانىسۋ ءۇشىن ۇسىنىلعان.
"تانىسۋ پروسەسى اياقتالعاننان كەيىن ءىس ايىپتالۋشىلاردى سوتقا بەرۋ ماسەلەسىن شەشۋ ءۇشىن پروكۋراتۋراعا جولداناتىن بولادى"، – دەپ حابارلادى الماتى وبلىستىق پوليسيا دەپارتامەنتىنىڭ باسپا ءسوز قىزمەتى.
ەسكەرتۋ: بۇعان دەيىن پوليسيا دەپارتامەنتى ءىستىڭ سوتقا جىبەرىلگەنى تۋرالى حابارلاعان بولاتىن، الايدا كەيىنىرەك ءىس ماتەريالدارى تاراپتاردىڭ تانىسۋ ساتىسىندا ەكەنى ناقتىلاندى. ءماتىن ءىستىڭ وزەكتى مارتەبەسىنە سايكەس جاڭارتىلىپ، تاقىرىپ وزگەرتىلدى.
ايتا كەتەيىك، بۇعان دەيىن حاسان قاسىمبايەۆ 2021 جىلى ەرەجەسىز جەكپە-جەك جاتتىقتىرۋشىسىن ۇرلاپ، سوققىعا جىقتى دەگەن كۇدىككە ىلىنگەنى حابارلاندى.
حاسان قاسىمبايەۆ 2024 جىلى 2 قاراشادا ۇستالدى. كەيىن ەكى ايعا قاماۋعا الىندى.
ەسكە سالايىق، بۇعان دەيىن ەل اراسىندا تالعارداعى توبەلەستە قازا تاپقان شەرزات بولاتتىڭ ولىمىنەن كەيىن كۇدىكتىلەردىڭ "حۋتور" قىلمىستىق توبىنا قاتىسى بار ەكەنى جانە اتالمىش توپتىڭ باسىندا حاسان قاسىمبايەۆ ەسىمدى ازامات تۇر دەگەن اڭگىمە تاراعان بولاتىن. جەلىدە حاسانمەن تۇسكەن انشىلەردىڭ سۋرەتتەرى تاراپ، كوپشىلىك ولاردى سىنعا العان ەدى.
