الماتىلىق تاكسي جۇرگىزۋشىسى ەكى بالانىڭ اناسىن ازاپتان ولتىرگەن. تۋىستارىنىڭ ايتۋىنشا، ايەلدىڭ قۇربان بولۋىنا التىن اشەكەيلەرى مەن 20 مىڭ تەڭگەسى سەبەپ بولعان سەكىلدى دەپ جازادى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

40 جاستاعى ەكى بالانىڭ اناسىنا تاكسي جۇرگىزۋشىسى كولىكتە شابۋىل جاساعان. جۇرگىزۋشىنىڭ جانىنداعى سەرىكتەس ايەل دە ەكى بالانىڭ اناسىن ولتىرۋگە كومەكتەسىپتى.

الدىڭعى ورىنعا وتىرعان باتۋرا ماحمەدوۆانى ارتقى ورىنداعى ايەل  قاتتى زاتپەن باسىنان ۇرادى. سول كەزدە جۇرگىزۋشى دە پىشاقپەن ونىڭ بەتىنەن، مويىنىنان ۇرعان. جاساعان قىلمىستارىن جاسىرماق ويمەن كۇدىكتىلەر ءمايىتتى بەرەكە اۋىلىنا جاقىن ماڭعا كومىپتى.

باتۋرانىڭ جوعالىپ كەتكەنىنە 3 اپتا ۋاقىت وتسە دە، ونىڭ بالالارى مەن تۋىستارى امان-ەسەن ورالادى دەپ سەنگەندەرىن ايتادى.