اتىراۋ پوليسياسى جابىرلەنۋشىلەردى الەۋمەتتىك جەلىلەر ارقىلى ىزدەۋدە. اتىراۋلىق پوليسەيلەر 35 جاستاعى قالا تۇرعىنىن ۇستادى. ودان ۇرلىق جولىمەن تابىلعان 30-دان استام التىن بۇيىمدار مەن وزگە دە مۇلىكتەردى تاركىلەدى.

ءتارتىپ ساقشىلارى تاركىلەنگەن بۇيىمداردىڭ يەلەرىن ىزدەستىرۋ ءۇشىن الەۋمەتتىك جەلىلەردىڭ مۇمكىندىگىن پايدالانۋدا. جاريالانعان فوتوسۋرەتتىڭ ىشىنەن ءوز مۇلىكتەرىڭىزدى تانىعان جاعدايدا «102» وپەراتورىنا جانە 983302، 983399 تەلەفوندارىنا حابرلاسۋلارىڭىز سۇرالادى. تاركىلەنگەن زاتتاردىڭ ىشىندە ءارتۇرلى نومينالدا جاسالعان ارنايى
مونەتالار، ويىن پريستاۆكالارى، ءتىپتى قۇرىلىس قۇرال-سايماندارى دا بار.

پوليسيا دەپارتامەنتىنىڭ باسپا ءسوز قىزمەتى حابارلاعانىنداي، جىل باسىنان بەرى №2 قالالىق پوليسيا ءبولىمىنىڭ اۋماعىندا 123 ۇرلىق فاكتىسى اشىلعان. بارلىق تىركەلگەن فاكتىلەردىڭ ىشىندە قايتالانىپ جاسالعان نەمەسە اسا ءىرى كولەمدەگى شىعىن كەلتىرىلگەنى ءۇشىن 31 فاكتى ۇرلىق قىلمىسىنىڭ اۋىر تۇرىنە جاتادى. اتالعان ۇرلىق ءتۇرىنىڭ اشىلۋى 96،4 پايىزدى قۇراپ وتىر. بوتەننىڭ مۇلكىن ۇرلاۋدىڭ ەڭ كوپ تاراعان ءادىسى پلاستيكالىق تەرەزەلەرلى ىعىستىرۋ ارقىلى جاسالعان.