الماتى پوليسياسىنىڭ ارالاسۋىمەن بۋتاكوۆ شاتقالىندا دەمالۋشىلارعا پىشاقپەن شابۋىلداعان قاسكوي قولعا ءتۇستى. قاسكوي دەمالۋشىلاردان ءوز قۇرباندارىن كەڭسە پىشاعىمەن قورقىتىپ، اقشا مەن قۇندى زاتتار الىپ وتىرعان دەپ جازادى Qamshy.kz اقپارات اگەنتتىگى.

ءتارتىپ ساقشىلارى كۇدىكتىنى وقيعا ورىنىنىڭ ماڭىنان ۇستاعان. قالالىق پوليسيا دەپارتامەنتىنىڭ مالىمەتىنشە، قولعا تۇسكەن 37 جاستاعى كۇدىكتىنىڭ ناقتى تۇراتىن مەكەن-جايى جوق بولىپ شىقتى.

كۇدىكتى تاۋدا كۇركەلەردى مەكەندەپ ءجۇرىپتى. بۇدان بۇرىن ول وتە اۋىر قىلمىس جاساعانى ءۇشىن جاۋاپقا تارتىلعان.

جابىرلەنۋشىنىڭ بەرگەن مالىمەتىنشە سۇيەنسەك، كۇدىكتى ءوزىنىڭ «ارام» نيەتىن جۇزەگە اسىرىپ جاتقاندا ونىڭ جانىندا تاعى ءبىر ادام بولعان. پوليسيا قىزمەتكەرلەرى ونى تاۋىپ ۇلگەرمەدى.