ق ر ۇكىمەتىنىڭ قاۋلىسىمەن ەرلان ءنۇرالي ۇلى نىسانبايەۆ ق ر ەكولوگيا، گەولوگيا جانە تابيعي رەسۋرستار ۆيسە-مينيسترى قىزمەتىنە تاعايىندالدى، دەپ حابارلايدى Qamshy.kz اقپارات اگەنتتىگى ق ر پرەمەر-مينيسترىنىڭ باسپا ءسوز قىزمەتىنە سىلتەمە جاساپ.
ەرلان نىسانبايەۆ 1961 جىلى الماتى وبلىسىندا دۇنيەگە كەلگەن. 1983 جىلى ورمان شارۋاشىلىعىنىڭ ينجەنەرى ماماندىعى بويىنشا قازاق اۋىل شارۋاشىلىعى ينستيتۋتىن، 2008 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن ءتامامداعان.
ەڭبەك جولىن 1983 جىلى ورمان شارۋاشىلىعى شەبەرى بولىپ باستاعان. ءتۇرلى جىلدارى مەملەكەتتىك جانە كوممەرسيالىق ۇيىمداردا جۇمىس ىستەگەن.
2009–2013 جىلدارى ق ر اۋىل شارۋاشىلىعى مينيسترلىگىنىڭ ورمان جانە اڭ شارۋاشىلىعى كوميتەتىنىڭ ءتوراعاسى لاۋازىمىن اتقارعان.
2013 جىلعى اقپاندا ق ر قورشاعان ورتانى قورعاۋ ۆيسە-مينيسترى بولىپ تاعايىندالعان، 2014 جىلعى تامىز ايىنان باستاپ قازىرگى تاڭعا دەيىن — ق ر اۋىل شارۋاشىلىعى ۆيسە-مينيسترى قىزمەتىن اتقارعان.
پىكىر قالدىرۋ