نۇر-سۇلتان اكىمى التاي كولگىنوۆ كەزەكتى رەت پروبلەمالى تۇرعىن ءۇي نىساندارىن ارالادى Qamshy.kz اقپارات اگەنتتىگى اكىمدىككە سىلتەمە جاساپ.

كەشكى ارالاۋ ۋاقىتىندا ءبىرىنشى بوپ بارعان جەرى - "جەتى جول" تۇرعىن ءۇي كەشەنى بولدى. اتالعان ءۇيدىڭ قۇرىلىسى 2013 جىلى باستالعان، 2015 جىلى نىسان پروبلەمالى دەپ تانىلعان. ۇلەسكەرلەردىڭ سانى – 600 ادامعا جۋىق. 

التاي كولگىنوۆ قۇرىلىس قارقىنى كورىنبەيتىنىن اتاپ ءوتتى.

"3 اپتا بۇرىن كەزدەستىك. قۇرىلىس باياۋ ءجۇرىپ جاتىر. ماعان جۇمىس قارقىنى ۇنامايدى. باستاعاننان كەيىن اياقتاۋ كەرەك. ەگەر ءسىز دە وسىنداي ۇستانىمدى ۇستانساڭىز، ءسىزدىڭ الدىڭعى قۇرىلىس سالۋشىدان ەش ايىرماشىلىعىڭىز بولمايدى عوي. ءبىز سىزگە جوبالاۋ جۇمىستارى بويىنشا كومەكتەسىپ، بارلىق ماسەلەلەردى زەردەلەپ وتىرمىز. تەزدەتۋ كەرەك، قۇرىلىس ماۋسىمى اياقتالىپ قالدى"، - دەدى شاھار اكىمى.

قايتا ارالاعان ەكىنشى وبەكت - "كومفورت" تك بولدى. بۇل نىسان 2015 جىلى پروبلەمالى بوپ تانىلعان. ۇلەسكەرلەردىڭ سانى – 227 ادام. قۇرىلىس سالۋشى اتالعان نىساندا جۇمىس جۇرگىزىلىپ جاتقانىن، جۇمىسشىلاردىڭ ەكىنشى اۋىسىمى تۋرالى ماسەلە قارالىپ جاتقانىن اتاپ ءوتتى. قازىرگى كەزدە ولار ينجەنەرلىك جەلىلەر جوباسىن كۇتۋدە.

"بۇل قارقىندى توقتاتپاڭىز. قىسقا مەرزىمدە ناتيجە كورسەتتىڭىز، جۇمىس جۇرگىزىلگەنى بايقالادى. ينجەنەرلىك جەلىلەردىڭ جوباسىن العاننان كەيىن، اباتتاندىرۋ ماسەلەلەرى بويىنشا جۇمىستى باستاۋ كەرەك"، - دەپ اتاپ ءوتتى ا.كولگىنوۆ.