4 تامىز كۇنى تاجىكستان رەسپۋبليكاسى قورعانىسقا جاردەمدەسۋ قوعامدىق ۇيىمىنىڭ «ان-2» وقۋ-جاتتىعۋ ۇشاعى قۇلادى. وقيعا سالدارىنان ءبىر ادام قايتىس بولىپ، تاعى بىرەۋى اۋرۋحاناعا جەتكىزىلدى دەپ حابارلايدى Qamshy.kz اقپارات اگەنتتىگى حوۆار اگەنتتىگىنە سىلتەمە جاساپ.

1978 جىلى جاسالىپ، قولدانىسقا بەرىلگەن ۇشاق تاجىكستان قورعانىس مينيسترلىگىنىڭ «فاحراباد» وقۋ-جاتتىعۋ پوليگونىندا، جوسپارلى ۇشۋلاردى ورىنداۋ كەزىندە تەحنيكالىق سەبەپتەرگە بايلانىستى اپاتقا ۇشىرادى.

68-جاستاعى ۇشقىش حوراسان اۋداندىق اۋرۋحاناسىنا جەتەر-جەتپەس جولدا كوز جۇمعان. 28-جاستاعى قوسىمشا ۇشقىش سول اۋرۋحانادا جاتىر. ءقازىر اتالمىش ەلدىڭ مەملەكەتتىك ۇلتتىق قاۋىپسىزدىك كوميتەتى اپاتقا قاتىستى قىلمىستىق ءىس قوزعادى. تەرگەۋ امالدارى ءجۇرىپ جاتىر.