اتىراۋ وبلىسىندا «رەفورم ستروي» ءجشس-نىڭ 176 قىزمەتكەرى كەلىسىم-شارت مەرزىمى اياقتالعاسىن جۇمىسسىز قالدى. اتىراۋ وبلىسى مەملەكەتتىك ەڭبەك ينسپەكسياسى باسقارماسىنىڭ باسشىسى يگىلىك اۋباكىروۆ حاباردار قىلعانداي، بۇل جەردە ەڭبەك زاڭناماسىن بۇزۋشىلىق بولعان جوق، دەپ حابارلايدى Qamshy.kz اقپارات اگەنتتىگى.​ ​ ​

"رەفورم ستروي" ءجشس-ى كونتراكت بويىنشا «سسەر»كومپانياسى ءۇشىن مونتاجدىق جۇمىستاردى اتقارعان بولاتىن. كونتراكت 2018 جىلدىڭ ناۋرىز ايىنان باستاپ جاسالعان. جۇمىستاردىڭ بەلگىلى ءبىر تۇرلەرى اياقتالعاسىن، جاسالعان ەڭبەك كەلىسىم-شارتتارى توقتاتىلادى. كومپانيانىڭ قىزمەتكەرلەرى بىزگە كەلىپ، ولارعا تۇسىنىك بەرىلدى"، – دەدى يگىلىك اۋباكىروۆ.​ ​ ​ ​

ق ر ەڭبەك كودەكسىنىڭ 30 جانە 51 باپتارىنا سايكەس، جۇمىستاردىڭ اياقتالۋ داتاسى ەڭبەك كەلىسىم-شارتىنىڭ ءبىتۋ مەرزىمى بولىپ تابىلادى. ال، كەلىسىم-شارتتىڭ ءوزى بەلگىلى ءبىر جۇمىستاردىڭ ورىندالۋ مەرزىمىنە جاسالادى. "رەفورم ستروي" ج ش س وسىلاي جاساعان. بارلىق جۇمىستار ءساۋىر ايىنىڭ باسىندا اياقتالعانىنا قاراماستان، قىزمەتكەرلەر ماۋسىم ايىندا جالاقىلارىن الدى. بۇدان بولەك، شىلدەدە جۇمىستار جۇرگىزىلمەگەنىنە قاراماستان، قىزمەتكەرلەرگە وسى ايعا جالاقى 100%تولەنەدى، سونداي-اق، 2019 جىلدىڭ تامىز ايىنىڭ 4 كۇنى ءۇشىن جالاقى بەرىلەدى.

"ايتا كەتەيىن، بۇل جەردە ەشقانداي ەڭبەك زاڭناماسىن بۇزۋشىلىق بولعان جوق. بۇل نارىقتىق قاتىناستار. ەشكىم ەشكىمدى قىسقارتىپ نەمەسە جۇمىستان شىعارعان جوق. جۇمىس ورىندالعان سوڭ ەڭبەك كەلىسىم-شارتىنىڭ قولدانىسى اياقتالادى"، – دەپ اتاپ ءوتتى يگىلىك اۋباكىروۆ