پرەزيدەنت قىسىم-جومارت توقايەۆتىڭ ەل دامۋىنىڭ نەگىزگى ون باعىتىن ايقىنداپ بەرگەنى بەلگىلى. سونىڭ بىرەگەيى - قاراپايىم زاتتار ەكونوميكاسىن دامىتۋ. ال جامبىل وبلىسى وسى پيلوتتىق جوبانى جۇزەگە اسىراتىن ايماق رەتىندە تاڭدالىنىپ الىنعانىنان دا بۇقارا حاباردار. جانە جامبىل وبلىسىنىڭ اكىمى اسقار مىرزاحمەتوۆ جوبانى جۇرتقا ءجىتى ءتۇسىندىرۋ ءۇشىن تىنىمسىز ەڭبەك ەتىپ جاتىر. سونىڭ ارقاسىندا «قاراپايىم زاتتار ەكونوميكاسى» جۇمىس اياسىندا وڭىردە قارجىلىق قولداۋدى تالاپ ەتەتىن جوبالاردى قارجىلاندىرۋ ماقساتىندا ت.رىسقۇلوۆ اۋدانى اكىمدىگىنىڭ كاسىپكەرلىك جانە ونەركاسىپ ءبولىمى، «اتامەكەن» اۋداندىق كاسىپكەرلەر پالاتاسى جانە اۋداندىق جوبالىق باسقارۋ جانە سيفرلاندىرۋ ورتالىعىمەن بىرلەسىپ، ءار اۋىلدىق وكرۋگكە بەكىتىلگەن كەستە بويىنشا كاسىپكەرلەرمەن كەزدەسىپ، تۇسىندىرمە جۇمىستارى جۇرگىزىلۋدە

ناتيجەسىندە اتالعان باعدارلاماعا اۋدان بويىنشا تىكەلەي قىزمەت تۇرىنە سايكەس كەلەتىن 543 كاسىپكەر انىقتالىپ، سولاردىڭ بارلىعىنا تەلەفون ارقىلى، كەزدەسۋ ارقىلى تۇسىندىرمە جۇمىستارى جۇرگىزىلدى. بۇگىنگى تاڭدا قاراپايىم زاتتار ەكونوميكاسى بويىنشا رەسپۋبليكادان 600 ملرد. تەڭگە كولەمىندەگى 15 پايىزدىق جىلدىق ۇستەماقىمەن بولىنگەن نەسيە ۇكىمەت تاراپىنان 7 پايىزى قارجىلاندىرىلىپ، قاراپايىم كاسىپكەرگە 8 پايىزدىق جىلدىق ۇستەماقىمەن ەكىنشى دەڭگەيلى بانكتەر ارقىلى بەرىلەدى. قاراپايىم زاتتار ەكونوميكاسى بويىنشا بەرىلەتىن جەڭىلدەتىلگەن نەسيە بويىنشا، ت.رىسقۇلوۆ اۋدانى بويىنشا 23 كاسىپكەر 147 000 000 تەڭگە كولەمىندە نەسيە الۋعا ۇسىنىس ءبىلدىردى.

ءىسىن جاڭا باستاعان كاسىپكەرلەرگە، ايەلدەرگە، مۇگەدەكتەرگە جانە 50 جاستان اسقان ادامدارعا «بيزنەستىڭ جول كارتاسى-2020» بيزنەستى قولداۋ مەن دامىتۋدىڭ مەملەكەتتىك باعدارلاماسى شەڭبەرىندە (ءوز بيزنەسىن قۇرۋعا) مەملەكەتتىك گرانتتار بەرۋ ناقتىراق ايتقاندا قايتارىمسىز 3 ملن.تەڭگەگە دەيىن قاراجات الۋعا مۇمكىندىكتەر بار. وسى باعدارلاما بويىنشا اۋدان اۋماعىنان 3 جوبا وتكىزىلدى. ولار- «زەينەپ» جك، «نۇرباقىت» جك جانە «تازالىق» جك.

29 جاسقا دەيىنگى جاس كاسىپكەرلەرگە «بيزنەستىڭ جول كارتاسى - 2020» بيزنەستى قولداۋ مەن دامىتۋدىڭ مەملەكەتتىك باعدارلاماسى شەڭبەرىندە مەملەكەتتىك گرانتتار بەرۋ - قايتارىمسىز 3 ملن.تەڭگەگە دەيىن قاراجات الۋعا مۇمكىندىكتەرى بار. 2019 ج. 16 مامىر-24 ماۋسىم ارالىعىندا اۋداندىق كاسىپكەرلىك جانە ونەركاسىپ بولىمىنە 26 جاس كاسىپكەردىڭ بيزنەس-جوسپارلارى قابىلدانىپ، قۇجاتتارى وبلىس اكىمدىگىنىڭ كاسىپكەرلىك جانە يندۋستريالدى-يننوۆاسيالىق دامىتۋ باسقارماسىنا تاپسىرىلدى.

وسىلايشا اۋدان قاراپايىم زاتتار ەكونوميكاسىن دامىتۋعا قارىشتى قادام جاساپ وتىر. ەندى تەك جوسپارلى جۇمىستى دىتتەگەن مەجەسىنە جەتكىزىپ، جۇمىستىڭ جۇيەسىن تابۋ. سوندا عانا بولاشاعىمىز باياندى، كەلەشەگىمىز كەمەلدى بولاتىندىعى حاق.