جامبىل وبلىسىندا جاستار اراسىنداعى جۇمىسسىزدىق دەڭگەيى جىل وتكەن سايىن تومەندەپ كەلەدى. ناتيجەسىندە، اعىمداعى جىلدىڭ العاشقى جارتىسىنداعى ەسەپ بويىنشا وبلىستا «ەكى قولعا ءبىر كۇرەك» تاپپاي جۇرگەن جاستار سانى ەلىمىز بويىنشا ەڭ از دەڭگەيدى كورسەتكەن دەپ جازادى Qamshy.kz اقپارات اگەنتتىگى. 

اتقارىلعان جۇمىستار ناتيجەسىندە جاستار اراسىنداعى جۇمىسسىزدىق دەڭگەيى 2،4 پايىزدى قۇراپ وتىر. بۇل كورسەتكىش وتكەن جىلى 2،9 پايىزدى قۇراعان. بۇل باسقا وڭىرلەر اراسىنداعى ەڭ تومەنگى كورسەتكىش. رەسپۋبليكا بويىنشا كورسەتكىش — 3،9 پايىزدى قۇراپ وتىر. ماسەلەن، بۇل مەجە الماتى مەن سولتۇستىك قازاقستان وبلىستارىندا — 2،9 پايىز، اقتوبە وبلىسىندا — 3،0 پايىز.

بۇل ناتيجەگە قول جەتكىزۋگە وڭىردە «قازاقستان 2020: بولاشاققا جول» مەملەكەتتىك جاستار ساياساتىنىڭ تۇجىرىمداماسى جانە قازاقستان رەسپۋبليكاسى ۇكىمەتىنىڭ 2019 جىلعى 2 ساۋىردەگى №153 قاۋلىسىمەن بەكىتىلگەن جاستار جىلىن وتكىزۋ جونىندەگى جول كارتاسىنا سايكەس بەكىتىلگەن جامبىل وبلىسىندا مەملەكەتتىك جاستار ساياساتىن ىسكە اسىرۋدىڭ 2019-2020 جىلدارعا ارنالعان جول كارتاسىنىڭ جۇيەلى تۇردە جۇزەگە اسۋى ۇلكەن سەپتىگىن تيگىزىپ وتىر.

جالپى، اتالعان جول كارتاسىندا 65 ءىس-شارا بەلگىلەنگەن. بۇگىنگى كۇنى ونىڭ 11 ورىندالىپ، 46-سى ورىندالۋ ۇستىندە. جىل سوڭىنا دەيىن 8ء-ىن تولىق ورىنداۋ جوسپاردا بار.

وڭىردە 239 151 جاس بار. ونىڭ 89 577 نەمەسە 37،5 پايىزى قالادا تۇرسا، 149 574 نەمەسە 62،5 پايىزى اۋىلدىق جەرلەردە. جاستار جالپى وبلىس حالقىنىڭ 21،2 پايىزىن قۇرايدى.

جىكتەپ ايتار بولساق، 92 424 جاس – مەكتەپتە، كوللەدجدە، جوعارى وقۋ ورىندارىندا ءبىلىم الۋدا. 5 739ء-ى جۇمىسسىز، 18 653ء-ى NEET جاستار قاتارىندا. 57 400 جاس ءوز بەتىمەن جۇمىسقا قامتىلسا، 64 935ء-ى ءتۇرلى سالادا جۇمىس ىستەيتىندەر.

وبلىستا جاستار ساياساتىنىڭ جۇيەلى جۇزەگە اسۋىنا وبلىس اكىمدىگىنىڭ جاستار ساياساتى ماسەلەلەرى باسقارماسى جاۋاپتى. سالانىڭ تىرلىگىن تىكتەۋ ماقساتىندا وبلىس اكىمى مەن تاراز قالاسى، اۋدان اكىمدەرى اراسىندا كەلىسىمگە سايكەس 7 مەجە، ال باسقارما مەن اۋدان، تاراز قالاسى اكىمدەرى اراسىندا 4 مەجە بەلگىلەنگەن.

ونىڭ ىشىندە، 7ء-ى جاستاردى جۇمىسپەن قامتۋدىڭ بەلسەندى شارالارىنا تارتۋعا باعىتتالدى. اتالعان كەلىسىم اياسىندا جىل سوڭىنا دەيىن 11 مىڭعا جۋىق جاستى جۇمىسپەن قامتۋ كوزدەلگەن. اتالعان باعىتتا اتقارىلعان جۇمىستارعا سايكەس، جىل باسىنان بەرى 6 758 جاس جۇمىسپەن قامتۋدىڭ بەلسەندى شارالارىنا تارتىلىپ، مەجە ورىندالعان.

ولاردىڭ 2 604ء-ى ۆاكانتتىق بوس جۇمىس ورىندارىنا ورنالاسسا، 977ء-سى قىسقا مەرزىمدى كاسىبي وقىتۋعا، 1624 تۇلەك جاستار تاجىريبەسىنە، 271ء-ى الەۋمەتتىك جۇمىس ورىندارىنا، 775ء-ى اقىلى قوعامدىق جۇمىستارعا جولدانعان. ال، 437 جاس «بيزنەس-باستاۋ» جوباسىمەن كاسىپكەرلىك نەگىزدەرىنە وقىتۋعا جولدانىپ، 50ء-ى شاعىن نەسيە الدى، 20 جاس قايتارىمسىز گرانت الدى.