وتاربانىڭ وتانى سانالاتىن جامبىل وبلىسى شۋ ءوڭىرى ءوزىنىڭ وندىرىستىك الەۋەتىمەن كوپكە تانىلعان ولكە. مۇندا تاۋار وندىرۋمەن قاتار، تاسىمال جاعى دا مىقتاپ جولعا قويىلعان. مەملەكەت باسشىسى قاسىم-جومارت توقايەۆتىڭ دا باسا ايتىپ جۇرگەن باستامالارىنىڭ ءبىرى وسى. ءوندىرىس پەن تاسىمالدى قاتار الىپ ءجۇرۋ. بۇل ورايدا شۋ اۋدانىنىڭ ءوندىرىس ورىستەپ، تاسىمالى تاستاي بولىپ تۇر دەپ جازادى Qamshy.kz اقپارات اگەنتتىگى. ماسەلەن اعىمداعى جىلدىڭ العاشقى جارتى جىلدىعىنىڭ وزىندە جالپى شىعارىلعان ءونىم كولەمى 24 ملرد. 731،0 ملن. تەڭگەنى قۇراپ، 2018 جىلمەن سالىستىرعاندا 138،4% دەيىن جەتكەن.

ءونىم ءوندىرۋ كولەمىنىڭ قۇرامىندا ونەركاسىپ ۇلەسى — 16،5%، اۋىلشارۋاشىلىعى ءونىمى —21،3%، بايلانىس جانە كولىك قىزمەتى — 0،8%، تاۋارلاردى، قىزمەتتەردى وتكىزۋ كولەمى — 42،3 %، قۇرىلىس — 18،9 % بولىپ وتىر.

اۋداننىڭ ونەركاسىپ سالاسىنداعى ءونىم مەن كورسەتىلگەن قىزمەت كولەمى — 4070،9 ملن. تەڭگە، فيزيكالىق يندەكس كولەمى —103،2%-عا، ياعني 2018 جىلدىڭ ءدال وسى ۋاقىتىمەن سالىستىرعاندا — 1838 ملن. تەڭگەگە ارتىق ورىندالعان.

سۋ بەرۋ جانە سۋ بۇرۋ كولەمى 123،8 ملن. تەڭگە، ناقتى كولەم يندەكسى 93،5%، وتكەن جىلدىڭ ءتيىستى ۋاقىتىمەن سالىستىرعاندا 11،5 ملن. تەڭگەگە جوعارى.

وڭدەۋ ونەركاسىبى ءوندىرىسىنىڭ كولەمى 1526،1 ملن. تەڭگە، ناقتى كولەم يندەكسى 102،3%. 2018جىلعا قاراعاندا 395،1 ملن. تەڭگەگە ارتىق ورىندالدى.

2019 جىلدىڭ 5 ايىندا اۋدان بويىنشا جۇمىس ىستەيتىن 6425 كاسىپكەرلىك نىساندا 604 ادام جۇمىسپەن قامتىلىپ، بارلىق شاعىن جانە ورتا كاسىپكەرلىك سالاسى بويىنشا وندىرىلگەن ءونىم كولەمى — 5498،3 ملن. تەڭگەنى قۇراعان.

نەگىزگى كاپيتالعا 11222،7 ملن. تەڭگە ينۆەستيسيا سالىنىپ، 2019 جىلى ىسكە قوسىلۋى جوسپارلانعان 4 ينۆەستيسيالىق جوبا بويىنشا جۇمىستار جۇرگىزىلۋدە:

1. «Standardconstruction» ءجشس-ى شۋ قالاسىنداعى «بيتۋم» زاۋىتىنىڭ قۇرىلىسىن اياقتادى. اتالعان زاۋىتتىڭ ىسكە قوسىلۋ مەرزىمى: 2019 جىلدىڭ 2 توقسانى. زاۋىت ىسكە قوسىلعان جاعدايدا 50 ادام جۇمىسپەن قامتىلىپ، ايىنا 15 000 كۋب بيتۋم وندىرەتىن بولادى. جوبانىڭ جالپى قۇنى — 2 ملرد. تەڭگە.

2. «م-كات GREEN» ءجشس-ى فوتوەلەكتر (كۇن ساۋلەسى) ستانسياسىنىڭ «شۋ-100 مۆت جوباسى». جوبانىڭ جالپى قۇنى — 60 737،7 ملن. تەڭگە (شەتەلدىك ينۆەستورلاردىڭ قاتىسۋىمەن). جوباعا العا اۋىلدىق وكرۋگىنەن 500 گا جەر تەلىمى بەرىلگەن. قازىرگى تاڭدا جەر اۋماعى قورشالىپ، تەگىستەۋ جۇمىستارى اياقتالدى. جوبا ىسكە اسىرىلعاندا 12 ادام جۇمىسپەن قامتىلاتىن بولادى.

3. «كومپانيا A & T – ەنەرگو» ءجشس-ى تاسوتكەل سۋ قويماسىندا گيدروەلەكتروستانسيا زاۋىتىنىڭ قۋاتتىلىعىن 4،6 مۆت-تان 9،2 مۆت-قا كوتەرۋ ماقساتىندا زاۋىتتىڭ ەكىنشى كەزەڭىنىڭ قۇرىلىسىن جۇرگىزۋدە. جوبا

قۇنى — 1 ملرد. 980 ملن. تەڭگە. بۇگىنگى كۇنگە جابدىقتاردى ساتىپ الۋ تۋرالى كەلىسىم-شارتتار جاسالدى. جوبا ىسكە قوسىلعاندا 12 ادام جۇمىسپەن قامتىلادى.

4. «ەلنۋر اديل گرۋپپ» ءجشس-ى قۇنى — 3،5 ملن اقش دوللارىن (1 319 ملن تەڭگە) قۇرايتىن «11 750 تونناعا ارنالعان ەليەۆاتور، ماكارون سەحى، ديىرمەن، قويما جانە وفيستىك ءۇي-جايلار» جوباسى. قۋاتتىلىعى: ديىرمەن تاۋلىگىنە — 120 تن، ماكارون سەحى تاۋلىگىنە — 22 تن، بيدايدى ساتۋ (ايىنا 7000 تن). جوبا ىسكە قوسىلعاندا 64 ادام جۇمىسپەن قامتىلماق. ىسكە اسىرىلۋ مەرزىمى: 2019 جىل. قازىرگى ۋاقىتتا شۋ قالاسىنداعى بۇرىنعى قانت زاۋىتى اۋماعىنان 2 گەكتار جەر قاراستىرىلۋدا.

وسىلاشى شۋلىقتار ءوندىرىس سالاسىنداعى جاڭا ءداۋىردى باستان كەشىرۋدە. ءلايىم، ەلگە بەرەرى مول جوبالارى بەرەكەلدى بولسىن.