قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىمەن ادالدىق الاڭى جۇمىسىن جانداندىرۋ جانە وڭىرلەردەگى قوعامنىڭ بويىندا پاراساتتىلىق پەن سىبايلاس جەمقورلىققا قارسى نولدىك توزىمدىلىكتى قالىپتاستىرۋ ماقساتىندا رەسپۋبليكا بويىنشا ءتۇرلى فورماتتاعى ءىس-شارالار وتكىزىلۋدە. وسى ورايدا، سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ جامبىل وبلىسى بويىنشا دەپارتامەنتىنىڭ شتاب باسشىسى عاني تۋبايەۆ پەن "جامبىل - ادالدىق الاڭى" جوباسىنىڭ جەتەكشىسى قايرات مەكيليسوۆ بايزاق اۋدانىندا كەزدەسۋلەر وتكىزدى. اتالمىش كەزدەسۋلەرگە اۋدان اكىمى اپپاراتىنىڭ باسشىسى باقتيار اقبايەۆ قاتىسىپ وتىردى دەپ جازادى Qamshy.kz اقپارات اگەنتتىگى.
الدىمەن شتاب باسشىسى مەن جوبا جەتەكشىسى اۋداندىق پوليسيا ءبولىمىنىڭ جەكە قۇرامىمەن، سودان سوڭ اۋداندىق ەمحانادا مەديسينا سالاسى وكىلدەرىمەن جۇزدەستى. سونىمەن قاتار، وسىنداي تاقىرىپتاعى كەزدەسۋلەر كەنەن ازىربايەۆ اتىنداعى ساز مەكتەبىندە ءبىلىم بەرۋ سالاسى ماماندارىمەن جانە "Nur Otan" پارتياسى اۋداندىق فيليالىنىڭ كىشى ءماجىلىس زالىندا الەۋمەتتىك سالا قىزمەتكەرلەرىمەن ۇيىمداستىرىلدى. ونداعى كۇن تارتىبىنە شىعارىلعان ماسەلەلەرگە قاتىستى ءوز ويىمەن بولىسكەن شتاب باسشىسى عاني سالي ۇلى وڭىرلەردەگى قوعامنىڭ بويىندا پاراساتتىلىق پەن سىبايلاس جەمقورلىققا قارسى نولدىك توزىمدىلىكتى قالىپتاستىرۋ باعىتىندا ءسوز قوزعادى. ال، "جامبىل - ادالدىق الاڭى" جوباسىنىڭ جەتەكشىسى قايرات مەكيليسوۆ وبلىس اۋماعىندا جۇرگىزىلگەن جاسىرىن ساۋالناما نەگىزىندە تۇرمىستىق جەمقورلىققا بايلانىستى العاشقى ۇشتىكتىڭ تىزىمىندە قۇقىق قورعاۋ، مەديسينا، ءبىلىم بەرۋ سالالارى تۇرعاندىعىنا توقتالدى.
وسىنداي وزەكتى ماسەلەلەردى قاۋزاعان كەزدەسۋلەر سوڭى اۋدان اكىمدىگىنىڭ ءماجىلىس زالىندا وتكەن اكتيۆ جيىنىمەن قورىتىندىلاندى. اۋدان اكىمدىگىنىڭ ءبولىم باسشىلارى، اۋىل جانە اۋىلدىق وكرۋگ اكىمدەرى، اۋداندىق ارنايى مونيتورينگتىك توپ مۇشەلەرى، مەكتەپ ديرەكتورلارى، بالاباقشا مەڭگەرۋشىلەرى قاتىسقان جيىندى اۋدان اكىمىنىڭ مىندەتىن اتقارۋشى نۇردوس تويبايەۆ اشىپ، جۇرگىزىپ وتىردى. باسقوسۋدا ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋى اياسىندا وڭىرلەردە «ادالدىق الاڭى» جوبالىق كەڭسەلەرى قۇرىلىپ، تۇرمىستىق جەمقورلىقتى جويۋ جانە ازاماتتارعا قولايلى جاعداي جاساۋ بويىنشا ءىس-شارالار تۋرالى ماسەلەلەر قارالدى.
پىكىر قالدىرۋ