جاقسىلىق پەن قايىرىمدىلىق جاساۋعا بەيىم تۇراتىن، جۇرەگىنىڭ جىلۋى مول ازاماتتتاردىڭ دەمەۋى مەن قولداۋىنىڭ ارقاسىندا رەسپۋبليكالىق «مەكتەپكە جول» اكسياسى اياسىندا جامبىل وبلىسىندا بىرنەشە وتباسىنىڭ بالالارى قۋانىشقا كەنەلدى. اتاپ ايتقاندا، «Nur Otan» پارتياسى بايزاق اۋداندىق فيليالى جانە اۋدان اكىمدىگى ءبىلىم ءبولىمىنىڭ ۇيىتقى بولۋىمەن قايىرىمدىلىق شاراسى ۇيىمداستىرىلدى دەپ جازادى Qamshy.kz اقپارات اگەنتتىگى. 

پارتيانىڭ «باقىتتى وتباسى»، «باقىتتى بالالىق شاق» جانە «كەدەرگىسىز كەلەشەك» جوبالارىن ىسكە اسىرۋ ماقساتىندا اۋدانىمىزداعى كوپبالالى جانە از قامتىلعان وتباسى بالالارىنا «مەكتەپكە جول» اكسياسى اياسىندا العاشىندا 50 بالاعا، بەيسەنبى كۇنى وتكەن شارادا 30 بالاعا اۋداندىق ءماسليحاتتاعى دەپۋتاتتىق فراكسيا مۇشەلەرىنىڭ دەمەۋشىلىگىمەن سومكە جانە مەكتەپكە قاجەتتى وقۋ قۇرالدارى تابىستالدى.

«جۇرەكتەن - جۇرەككە» اتتى قايىرىمدىلىق شاراسىندا اۋدان اكىمىنىڭ ورىنباسارى ءداۋىر داۋلەتوۆ، ءبىلىم ءبولىمىنىڭ باسشىسى نۇرجان نۇرالييەۆ، “Nur Otan” پارتياسى اۋداندىق فيليالى ءتوراعاسىنىڭ ءبىرىنشى ورىنباسارى شولپان بايتاقوۆا ءسوز الىپ، ەلىمىز بويىنشا ءوتىپ جاتقان «مەكتەپكە جول» اكسياسىنىڭ ماڭىزدىلىعىنا توقتالدى. جاس وسكىندەرگە قۋانىش سىيلاۋدىڭ ءوزى باقىت ەكەندىگىن، الداعى ۋاقىتتا دا قامقورلىق كورسەتىلە بەرەتىندىگىن ايتىپ، جىلى لەبىزدەرىن ءبىلدىردى.

اتا – انالار ءمارت ازاماتتاردىڭ ءوز بالالارىنا تيگىزگەن كومەگىنە العىستارىن ايتتى.

ايتا كەتەيىك، ق ر ءبىلىم جانە عىلىم مينيسترلىگى بيىل «مەكتەپكە جول» رەسپۋبليكالىق قايىرىمدىلىق اكسياسى بويىنشا قوسىمشا شارالار قابىلداپ، اكسيا 2008 جىلدان بەرى جىل سايىن ەلىمىزدىڭ بارلىق وڭىرلەرىندە وتكىزىلىپ كەلەدى.

بيىل اكسيا ءبىر اي ەرتە، ياعني 1 شىلدەدەن باستالدى. كومەككە مۇقتاج بالالاردى بارىنشا قامتۋ ماقساتىندا جىلجىمالى پۋنكتتەر، سونداي-اق ەرىكتىلەردى تارتۋمەن ءموبيلدى توپتار ۇيىمداستىرىلدى.

جالپى، بيىل وبلىس بويىنشا «مەكتەپكە جول» قايىرىمدىلىق اكسياسى اياسىندا كوپ بالالى جانە الەۋمەتتىك از قامتىلعان وتباسىدان شىققان 30 مىڭعا جۋىق وقۋشىعا كومەك كورسەتىلەدى.

يگى داستۇرگە اينالعان «مەكتەپكە جول» قايىرىمدىلىق اكسياسى 30 قىركۇيەككە دەيىن جالعاسادى. وسى جىلى العاش رەت "مەنىڭ اتامەكەنىم" پورتالىندا "مەكتەپكە جول" پلاتفورماسى ىسكە قوسىلدى. اتالعا سايت كوپ بالالى جانە از قامتىلعان وتباسىلاردان وتىنىشتەردى جىل بويى قابىلدايدى.