ەلىمىزدەگى مەملەكەتتىك باعدارلامالاردىڭ دەنى ەڭبەك نارىعىنا باعىتتالعانى قۋانتادى. اسىرەسە «جاستار تاجىريبەسى»، «الەۋمەتتىك جۇمىس ورىندارىن ۇيىمداستىرۋ»، «باستاۋ بيزنەس» سىندى جوبالاردىڭ جەمىسىن كوپشىلىك كورۋدە. جامبىلدىقتار دا مەملەكەتتىك باعدارلامالاردىڭ شاراپاتىن بارىنشا سەزىنۋدە دەپ جازادى Qamshy.kz اقپارات اگەنتتىگى. 

ەسەپتى كەزەڭدە سارىسۋ اۋدانىندا جۇمىسپەن قامتۋ بويىنشا ۋاكىلەتتى ورگانعا 1 416 ادام جۇمىس سۇراپ ءوتىنىش بىلدىرگەن. ونىڭ ىشىندە اۋىل تۇرعىندارى 918 ادام (2018 جىلى 1 410 ادام، ونىڭ ىشىندە اۋىل تۇرعىندارى 668 ادام).

جۇمىسسىزدىقتان الەۋمەتتىك قورعاۋ شارالارىمەن 1 403 ادام قامتىلعان. (2018 جىلى 1 150 ادام). اقىلى قوعامدىق جۇمىس ورىندارىنا 364 ادام جولدانىپ، 63 200،0 مىڭ تەڭگە تولەنگەن.

«جاستار تاجىريبەسى» باعدارلاماسى بويىنشا جىل باسىنان 158 جاس مامان ۋاقىتشا جۇمىسپەن قامتىلىپ، 30 915،0 مىڭ تەڭگە قارجى بەرىلىپ وتىر.

«الەۋمەتتىك جۇمىس ورىندارىن» ۇيىمداستىرۋ باعىتىندا جىل باسىنان 135 جۇمىسسىز ازامات ۋاقىتشا جۇمىسقا ورنالاستىرىلىپ، يگەرىلگەن قارجى 9 201،0 مىڭ تەڭگەنى قۇرادى.

ءار ءتۇرلى ماماندىقتار بويىنشا قىسقا مەرزىمدىك كاسىپتىك وقۋعا 200 ادام جولداۋ جوسپارلانعان. قارالعان قارجى 38،1 ملن. تەڭگە. قازىرگى تاڭدا 154 ادام جولدانىپ وتىر.

2019 جىلى 74 ازاماتقا شاعىن نەسيە بەرۋ جوسپارلانۋدا. قارالعان قارجى 313،8 ملن. تەنگە. جىل باسىنان بەرى ميكرو قارجى ۇيىمدارىنا 36 ادام جولداما الىپ، ونىڭ ىشىندە اۋىل شارۋاشىلىعىن قارجىلاي قولداۋ قورى ارقىلى مال شارۋاشىلىعىنا 13 ازامات 40،6 ملن. تەنگە، اگرونەسيە كورپوراسياسى ارقىلى مال شارۋاشىلىعىنا 3 ازامات 13،0 ملن. تەڭگە، بارلىعى 16 ازامات 53،6 ملن. تەڭگەگە شاعىن نەسيە الدى.

«باستاۋ بيزنەس» بويىنشا كاسىپكەرلىك نەگىزىن 128 ادام وقىتىلىپ، 85 ادام سەرتيفيكاتىن قورعادى.

جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانت بەرۋدىڭ 2019 جىلعى كەشەندى جوسپارى بويىنشا 42 ازامات 21،2 ملن. تەڭگەگە گرانت (505 مىڭ تەڭگە) الدى. ونىڭ ىشىندە 35 ازامات 29 جاسقا دەيىنگى جاستار، 5 كوپبالالى انالار جانە 2 مۇگەدەك.

تۇراقتى جۇمىسپەن 406 ادام قامتىلىپ وتىر.

2019 جىلدىڭ 1 تامىزىنا رەسمي تۇردە تىركەلگەن جۇمىسسىزداردىڭ سانى – 1 156، ونىڭ ىشىندە اۋىل تۇرعىندارى – 802 ازامات (2018 جىلى 937 ازامات، ونىڭ ىشىندە اۋىل تۇرعىندارى – 421 ادام).

ءيا، ەڭبەك نارىعىنداعى جۇمىستار دالدىك پەن جاۋاپكەرشىلىكتى تالاپ ەتەدى. بۇل سەنىم ۇدەسىنەن سارىسۋلىقتار تولىقتاي شىعىپ وتىر.