جامبىل وبلىسىنىڭ اۋىلدىق وكرۋگتەرىندە جەكە قۇرامى 2180 ادامدى قۇرايتىن 171 ەرىكتى ورتكە قارسى قۇرالىمدار قۇرىلدى، ونىڭ قۇرامىندا 34 سۋ تاسۋشى، 369 بىرلىك تابيعي ورتتەردى سوندىرۋگە بەيىمدەلگەن تەحنيكا جانە 26 ءورت ءسوندىرۋ موتوپومپاسى بار، 2753 بىرلىك قاتپارلار مەن 78 اسپالى ءورت سوندىرگىشتەر دايىندالدى دەپ جازادى Qamshy.kz اقپارات اگەنتتىگى. 

اۋىلدىق وكرۋگتەردە قۇرىلعان ەرىكتى ورتكە قارسى قۇرىلىمداردىڭ جاۋىنگەرلىك دايىنداعىنا جۇرگىزىلگەن تەكسەرۋ بارىسىندا كەيبىر اۋىلدىق وكرۋگتەردە قۇرىلعان ەرىكتى ورتكە قارسى قۇرىلىمداردىڭ ماتەريالدىق تەحنيكالىق جارىقتالۋى تومەن دەڭگەيدە جانە ولار ارنايى كيىمدەرمەن، ءورت موتوپومپاسىمەن تولىق جابىقتالماعاندىعى انىقتالدى.

بايزاق، مويىنقۇم، سارىسۋ، جۋالى اۋداندارىندا ءورتتى سوندىرۋگە ارنالعان بەيىمدەلەگەن تەحنيكانىڭ سانى وتە از، شامامەن ءار اۋىلدا تەك قانا ءبىر عانا تەحنيكا جانە ول بۇزىلعان جاعدايدا ونى تابيعي ورتكە جۇمىلدىرۋعا مۇمكىن بولمايدى.

بايزاق، جامبىل، مەركى اۋداندارى ەوقق اسپالى (رانسيەۆتى) ءورت سوندىرگىشتەرمەن جابدىقتالماعان، سونداي-اق بايزاق، مەركى، سارىسۋ، ت.رىسقۇلوۆ، تالاس اۋداندارى ەوقق ءورت موتوپومپاسىمەن قامتاماسىز ەتىلمەگەن.

قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 11 اقپانداعى №107 بۇيرىعىنا سايكەس تاجىربيەدە ءىرى كولەمدى تابيعي ءورتتى ءسوندىرۋ كەزىندە ولاردى سوندىرۋگە جۇمىلدىرىلعان كۇشتەر مەن قۇرالدار جانار جاعار مايمەن جانە تاماقپەن قامتاماسىز ەتىلىپ وتىردى.

جەرگىلىكتى اتقارۋشى ورگاندار مەنشىگىندە تابيعي ءورتتى سوندىرۋگە ارنالعان بەيىمدەلگەن تەحنيكانىڭ جانە ەرىكتى ورتكە قارسى قۇرىلىمداردىڭ جەكە قۇرامىن ءورت ورنىنا جەتكىزۋگە ارنالعان تەحنيكانىڭ جوق بولۋىنا بايلانىستى ولاردى جۇمىلدىرۋ ءۇشىن شارۋا قوجالىقتارىمەن كەلىسىم شارت جاسالادى، ءبىراق ولارمەن قاجەتتى كەزدە تەحنيكانى جۇمىلدىرۋ ۋاقىتىلى ورىندالمايدى.

ەرىكتى ورتكە قارسى قۇرىلىمداردىڭ قازاقستان رەسپۋبليكاسى «ازاماتتىق قورعاۋ تۋرالى» زاڭىنىڭ 68-بابى 3-تارماعىنا سايكەس ارنايى وقۋ ورتالىقتارىندا العاشقى دايىندىقتان وتپەگەن، ياعني قۇرىلعان ورتكە قارسى قۇرىلىمداردىڭ تابيعي ءورتتى ءسوندىرۋ ادىستەرىن جانە تەحنيكا قاۋىپسىزدىگىن ساقتاۋ ادىستەرىن مەڭگەرمەگەن.

2016 جىلى تەك قانا جۋالى اۋدانىندا ءاربىر اۋىلدىق وكرۋگتەر بويىنشا 60 مىڭ تەڭگە ءبولىنىپ (جالپى 14 اۋىلدىق وكرۋگكە 840 مىڭ تەڭگە) 280 ەرىكتى ورتكە قارسى قۇرىلىمدار «ءورت ءسوندىرۋشى» اق جامبىل فيليالىنان وتكەن.

وتكەن جىلى ەوقق مۇشەلەرىن جاۋىنگەرلىك ارنايى كيىممەن جانە قول استى ءورت ءسوندىرۋ قۇرالدارىمەن قامتاماسىز ەتۋ ءۇشىن اۋدان اكىمدىكتەرى 17 ملن. 329 مىڭ تەڭگە ءبولىندى، ال اعىمداعى جىلى اۋدان اكىمدىكتەرى 13 ملن. 413 مىڭ تەڭگە بولگەن.

سارىسۋ، مەركى، شۋ، مويىنقۇم اۋداندارىنداعى كەيبىر اۋالدىق وكرۋگتەردەگى ارنايى كيىمدەردىڭ جانە اياق كيىمدەردىڭ توزىعى جەتكەندىگىنە قاراماستان ولاردى جاڭارتۋعا قارجى قاراستىرماعان.