توقايەۆ كەشە حالىققا ارناعان جولداۋىندا زەينەتاقى قورىنداعى جينالعان حالىقتىڭ اقشاسىن ءتيىستى ماقساتقا پايدالانۋعا بولاتىنى تۋرالى ايتتى. ال بۇل ماسەلە الداعى ۋاقىتتا قالاي شەشىلمەك؟ وعان كىمدەر يە بولا الادى؟ زەينەتاقى قورىنداعى قارجىنى بەرۋدىڭ جولى جاسالىندى ما؟ وسىعان بايلانىستى ۆيسە-پرەمەر بەردىبەك ساپاربايەۆ ءوز بايلامىن ايتتى.
- ءيا، پرەزيدەنتتىڭ تاپسىرماسى بار. ءقازىر ۇكىمەت بارلىق مۇددەلى مەملەكەتتىك ورگاندارمەن بىرلەسىپ، اتالعان ماسەلەنى قاراستىرىپ، ۇسىنىستار ەنگىزىپ جاتىر. بۇل ماسەلەنى الدىمەن قاراۋ قاجەت، ءبىراق مۇنداي مۇمكىندىك ەسەپ-شوتتاعى جيناقتىڭ سوماسىمەن بايلانىستى بولۋى كەرەك. قايتكەندە دە الدىمەن ءتيىستى ەسەپ-قيساپتار جاسالىپ، سودان كەيىن عانا ناقتى ۇسىنىستار بولادى،–دەدى ۆيسە-پرەمەر بەردىبەك ساپاربايەۆ.
پىكىر قالدىرۋ