ق ر پرەمەر-مينيسترى اسقار ءماميننىڭ توراعالىعىمەن وتكەن ق ر ۇكىمەتىنىڭ وتىرىسىندا مەملەكەت باسشىسىنىڭ "سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى" جولداۋىن ىسكە اسىرۋ شارالارى تالقىلاندى دەپ حابارلايدى Qamshy.kz اقپارات اگەنتتىگى ۇكىمەت باسپا ءسوز قىزمەتىنە سىلتەمە جاساپ.
پرەزيدەنتتىڭ قازاقستان حالقىنا جولداۋىنىڭ بەس باستى باعىتىن ورىنداۋ جولدارى تۋرالى پرەمەر-مينيستردىڭ ءبىرىنشى ورىنباسارى - ق ر قارجى ءمينيسترى ءاليحان سمايىلوۆ، ۇكىمەت باسشىسىنىڭ ورىنباسارلارى جەڭىس قاسىمبەك پەن بەردىبەك ساپاربايەۆ باياندادى.
ۇكىمەت باسشىسى اسقار مامين پرەزيدەنتتىڭ جولداۋىن ىسكە اسىرۋدى تولىعىمەن قارجىلاي قامتاماسىز ەتۋ شارالارىن قابىلداۋ قاجەتتىگىن ايتتى. "پرەزيدەنت تاپسىرمالارىن ورىنداۋعا بارلىق ءبىرىنشى باسشى دەربەس جاۋاپتى ەكەنىن نازارلارىڭىزعا سالامىن.
اتاپ ايتايىن، ءاربىر تاپسىرماسىنىڭ ورىندالۋى قاتاڭ باقىلاۋعا الىنىپ، ورىندالۋىنىڭ ناقتى مەرزىمى بەلگىلەنۋى قاجەت. ءبىز قويىلعان مىندەتتەردى ءتيىمدى شەشۋ بويىنشا ۇيلەسىمدى جۇمىس جۇرگىزۋىمىز كەرەك"، - دەدى اسقار مامين.
ۇكىمەت باسشىسى 7 قىركۇيەككە دەيىن مەملەكەت باسشىسىنىڭ جولداۋىندا قويىلعان مىندەتتەردى ىسكە اسىرۋدىڭ جالپىۇلتتىق جوسپارىنىڭ جوباسىن ازىرلەۋدى تاپسىردى.
پىكىر قالدىرۋ