پرەمەر-مينيستردىڭ ورىنباسارى جەڭىس قاسىمبەك قازاقستاندىق اۋەتاسىمالداۋشىلار بيلەتتەرىنىڭ باعاسى قىمبات بولۋىنىڭ سەبەبىن ءتۇسىندىردى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
"بيلەتتەردىڭ جوعارى قۇنىنىڭ نەگىزگى پروبلەمالارى تاسىمالداۋ سىيىمدىلىقتارىنىڭ تاپشىلىعى جانە قولدا بار سۇرانىستى قاناعاتتاندىرۋ ءۇشىن اۋە كەمەلەرىنىڭ جەتىسپەۋشىلىگى بولىپ تابىلادى"، - دەدى قاسىمبەك.
ول تاريفتەردىڭ قۇنىن تومەندەتۋ ماقساتىندا مامىر ايىندا العاشقى وتاندىق Fly Arystan لوۋكوستەرى ىسكە قوسىلعانىن ەسكە سالىپ ءوتتى. اۋەكومپانيا جىل سوڭىنا دەيىن كۇنىنەن ورىندالاتىن رەيستەر سانىن ەكى ەسە (14-تەن 28-گە دەيىن) ۇلعايتۋدى كوزدەپ وتىر.
"ۇكىمەت "سامۇرىق-قازىنا "ءۇاق" اق-مەن بىرلەسىپ اۋە كەمەلەرى پاركىن ۇلعايتۋ ماقساتىندا Air Astana جانە Qazaq Air اۆياكومپانيالارىن قوسىمشا كاپيتالداندىرۋ جوسپارلانعان. سونداي-اق، قازاقستاندىق مۇناي وڭدەۋ زاۋىتتارىن جاڭعىرتۋدى اياقتاۋدى ەسكەرە وتىرىپ، اۆيا وتىنىنىڭ باعاسىن تومەندەتۋ بويىنشا جۇمىستار جالعاستىرىلاتىن بولادى"، - دەپ ۋادە بەردى ۆيسە-پرەمەر.
ول تەمىر جول بيلەتتەرىنىڭ تاپشىلىعى مەن زاڭسىز دەلدالدىق ادىستەردىڭ الدىن الۋ ماقساتىندا بيلەتتەردى ساتۋدى سيفرلاندىرۋ جۇرگىزىلىپ جاتقانىن، ساتۋ ءتارتىبىن رەتتەيتىن نورما ەنگىزىلگەنىن اتاپ ءوتتى. ايتا كەتەيىك، پرەزيدەنت قاسىم-جومارت توقايەۆ حالىققا جولداۋىندا اۋەبيلەتتەرىنىڭ باعاسى قىمبات بولۋىنا شاعىمداندى.
پىكىر قالدىرۋ