تاراز قالاسىنداعى دوستىق ۇيىندە ەتنومادەني بىرلەستىك وكىلدەرىنىڭ ق ر پرەزيدەنتى قاسىم-جومارت توقايەۆتىڭ قازاقستان حالقىنا جولداعان جولداۋىن تالقىلاۋعا بايلانىستى جيىن ءوتتى دەپ جازادى Qamshy.kz اقپارات اگەنتتىگى.
باسقوسۋعا ەتنومادەني بىرلەستىكتەردىڭ باسشىلارى مەن وكىلدەرى، انالار مەن اقساقالدار كەڭەستەرىنىڭ جەتەكشىلەرى مەن مۇشەلەرى جانە «جاڭعىرۋ جولى» مەن «اق جەلكەن» ليگاسىنىڭ جاستارى قاتىستى.
جيىندى ەڭ الدىمەن وبلىستىق قازاقستان حالقى اسسامبلەياسى حاتشىلىق مەڭگەرۋشىسىنىڭ ورىنباسارى جاسوركەن جاقسىلىق اشىپ، جولداۋدىڭ ءمان-مازمۇنىنا توقتالىپ ءوتتى.
بۇدان كەيىن ءسوز «دنيپرو» ۋكراين مادەني ورتالىعى» قوعامدىق بىرلەستىگىنىڭ باسشىسى فەدور كليمەنكوعا بەرىلىپ، ول مەملەكەت باسشىسى قاسىم-جومارت توقايەۆتىڭ جولداۋىنىڭ ەلباسى جولداۋلارىمەن ساياسي ساباقتاستىعىنا توقتالىپ كەتتى.
- پرەزيدەنت جولداۋىن تىڭداپ وتىرىپ ەرەكشە كۇيگە بولەندىم. ياعني، ەلباسى نۇرسۇلتان ءابىش ۇلى نازاربايەۆتىڭ «بەس الەۋمەتتىك باستاماسىنىڭ» جاڭا ۇلگىدەگى جاڭعىرۋىن كوردىم. سونداي-اق جولداۋدا كاسىپكەرلەرگە جاسالاتىن جەڭىلدىكتەر، ءتۇرلى تەكسەرىستەرگە جاۋاپتى قۇزىرلى مەكەمەلەردىڭ وزدەرى ءجىتى قاداعادا بولاتىندىعىن، سۇرانىسى از شتاتتىق بىرلىكتەردىڭ قىسقاراتىنىن ەستىپ ىرزا بولدىم. بۇل دەگەنىڭىز مەملەكەت اشىقتىق پريسيپىنە كوشىپ، جاڭا داۋىرگە اياق باسىپ جاتىر دەگەن ءسوز. وعان قوسا مەملەكەت باسشىسى ءتىل ساياساتىنا قاتىستى دا ورامدى ويلار ايتتى. سوندىقتان مەن ءبارىڭىزدى پرەزيدەنت جولداۋىن قولداپ، ونداعى تاپسىرمالاردى بۇلجىتپاي ورىنداۋع شاقىرامىن، -دەدى فەدور لەونتيەۆيچ.
بۇدان كەيىن مىنبەرگە كوتەرىلگەن «تاراز قالالىق وزبەك ەتنومادەني بىرلەستىگىنىڭ» جەتەكشىسى ابدراحمان زاينۋتدينوۆ جولداۋدا ازاماتتاردىڭ قۇقىقتارى مەن بوستاندىعىنا قاتىستى تەرەڭ ويلار ايتىلعانىن ايتتى.
- جولداۋدان پرەزيدەنت قاسىم-جومارت توقايەۆتىڭ تالاي جىل بۇۇ سىندى حالىقارالىق ۇيىمداردا جۇمىس جاساپ، تاجىريبە جيناقتاعانى انىق بايقالىپ تۇردى. اسىرەسە ادام قۇقىقتارى مەن بوستاندىعىنا قاتىستى مەملەكەت باسشىسى تالاپتى تاپسىرمالارىن بەردى. اتاپ ايتساق، پەدوفيليا، زورلىق-زومبىلىق سىندى قىلمىستاردىڭ جازاسىن قاتايتۋ تۋرالى جۇكتەگەن مىندەتتەرى تولىقتاي كوڭىلىمنەن شىقتى. سونداي-اق زاڭسىز اڭ اۋلاۋ مەن توتەنشە جاعدايلار كەزىندەگى شارالار سىندى ۇسىنىستارى دا كوپتىڭ كوكەيىندەگىسىن ءدوپ باستى. ءبىز جولداۋدا ايتىلعان
ءاربىر ماسەلە مەن ونىڭ شەشۋ جولدارى ەل ەرتەڭى ءۇشىن جاسالعان قۇتتى قادامدار دەپ قابىلداۋىمىز قاجەت، -دەدى ابدراحمان يۋلداش ۇلى.
ءوز كەزەگىندە ءسوز العان وبلىستىق قازاقستان حالقى اسسامبلەياسىنىڭ وكىلى زاينۋددين ماحۋسەيەۆ جولداۋدا اۋىل شارۋاشىلىعىن دامىتۋعا قاتىستى ايتىلعان تۇستاردى تىلگە تيەك ەتتى.
ال «جاڭعىرۋ جولى» جاستار قوزعالىسىنىڭ مۇشەسى الينا مۋحتاروۆ جولداۋداعى جاستارعا جاسالاتىن قامقورلىقتار جايلى ءسوز قوزعاسا، وبلىستىق قازاقستان حالقى اسسامبلەياسىنىڭ مەدياتورى عايني كوشەكبايەۆا جولداۋ جۇكتەگەن تاپسىرمالار اياسىندا وبلىس ءتۋريزىمىن دامىتۋ مەن كونە تاريحي ورىنداردى جاڭعىرتۋ جونىندەگى ورامدى ويلارىن ورتاعا سالدى.
جيىن سوڭىندا وبلىستىق اسسامبلەيا مۇشەلەرى پرەزيدەنت جولداۋىن ءبىراۋىزدان قولدايتىندارىن ايتىپ، جۇكتەلگەن مىندەتتەردى ءمىنسىز ورىندايتىندارىن جەتكىزدى.
