ق ر پرەزيدەنتى قاسىم-جومارت توقايەۆتىڭ جولداۋىن قولداۋعا باعىتتالعان ءبىرىڭعاي كۇننىڭ شەڭبەرىندە جامبىل وبلىستىق قازاقستان حالقى اسسامبلەياسىنىڭ كەزەكتەن تىس وتىرىسى ءوتتى.وتىرىسقا ەتنومادەني بىرلەستىكتەردىڭ وكىلدەرى مەن باسشىلارى، قحا مۇشەلەرى، اقساقالدار كەڭەسى، انالار كەڭەسى، قوعامدىق كەلىسىم كەڭەسى، «جاڭعىرۋ جولى» جق مۇشەلەرى، جامبىل وبلىسىنىڭ عىلىمي-ساراپتامالىق توبىنىڭ مۇشەلەرى، جوو وقىتۋشىلارى مەن ستۋدەنتتەرى قاتىستى.

مودەراتورلىق تىزگىندى ءوز قولىنا العان وبلىستىق قازاقستان حالقى اسسامبلەياسى مەڭگەرۋشىسىنىڭ ورىنباسارى جاقسىلىق جاسوركەن بەرىك ۇلى جولداۋدىڭ قوعامدى قوزعاعان سۇراقتارعا جاۋاپ بولعانىن ايتتى.

جاسوركەن بەرىك ۇلى «2 قىركۇيەكتە قازاقستان پرەزيدەنتى ق.ج. توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋى ايتىلدى. پرەزيدەنت قوعامدى تولعاندىراتىن ءبىرقاتار ماسەلەلەر بويىنشا ايقىن شەشىمدەر قابىلداپ، تاپسىرمالار بەردى. پرەزيدەنتىمىز ق.توقايەۆ جولداۋىندا ءتۇرلى ماسەلەلەر، سونىڭ ىشىندە مەملەكەتتىك ءتىل، مەمەلەكەتتىك قىزمەت، ازاماتتىق قوعام، ەتنوسارالىق تاتۋلىق سياقتى ءبىرقاتار تاقىرىپتار قوزعالدى. سونداي-اق، پرەزيدەنتىمىز اتالعان ماسەلەلەردىڭ تولىق جۇزەگە اسۋىنا ۋادە بەرەتىنىندە ايتتى.»-دەدى، ءوز سوزىندە.

«جولداۋداعى ءبىرىنشى كەزەكتەگى مىندەتتەر» تۋرالى تاراز قالاسىنىڭ وزبەك ەتنومادەني بىرلەستىگىنىڭ جەتەكشىسى - زاينۋتدينوۆ ابدراحمان يۋلداشيەۆيچ ءوز ويىن ورتاعا سالدى. سومەن قوسا، «ەرىكتىلەر – باستامشىلىق قاسيەتىن دامىتاتىن ەرەكشە مۇمكىندىك» تۋرالى وبلىستىق ەرىكتىلەر جەتەكشىسى ءنۇردىلدا ۇلى مەدەت ءوز پىكىرىمەن ءبولىستى. ال، «وتباسى جانە انالار ينستيتۋتىنا قولداۋ» تۋرالى وبلىستىق قحا انالار كەڭەسىنىڭ جەتەكشىسى ميراجاپوۆا مۋحاببات سايدۋللا قىزى «ەل پرەزيدەنتى ق.ك.توقايەۆ قازاقستان حالقىنا جولداۋىندا وتباسىلىق قۇندىلىقتارعا، وتباسى مەن بالالار ينستيتۋتىن قولداۋعا، ينكليۋزيۆتى قوعام قۇرۋعا ەرەكشە نازار اۋداردى. مەن پرەزيدەنتتىڭ جولداۋىنا انا جانە پەداگوگ رەتىندە وتە ريزامىن. پرەزيدەنت وتباسى قۇندىلىقتارىنا، وتباسى مەن نەكە ينستيتۋتىن نىعايتۋعا جانە مەملەكەت تاراپىنان قولداۋعا ەرەكشە كوڭىل بولەتىنىن جەتكىزدى. مەنىڭ تۇسىنىگىمدە، ەگەر وتباسى مىقتى جانە كۇشتى بولسا، مەملەكەت دە سولاي بولادى. بىزگە سانالى جاستاردى تاربيەلەۋ كەرەك.»-دەدى، بايانداما بارىسىندا.

جيىن سوڭىندا «پرەزيدەنت جولداۋىندا جاڭاشىلدىق» تۋرالى م. ح. دۋلاتي اتىنداعى «قازاقستان حالقى اسسامبلەياسى» كافەدراسىنىڭ مەڭگەرۋشىسى، جامبىل وبلىسى قازاقستان حالقى اسسامبلەياسىنىڭ عىلىمي-ساراپتامالىق توبى ءتوراعاسىنىڭ ورىنباسارى، فيلوسوفيا عىلىمدارىنىڭ كانديداتى - مامەدوۆا پاريدا ءوز ويىمەن ءبولىستى. «پرەزيدەنت قاسىم-جومارت توقايەۆتىڭ جولداۋى سايلاۋالدى تۇعىرنامادا ايتىلعان كوپتەگەن

باعدارلامالاردىڭ كورىنىسى بولدى. مەنىڭ ويىمشا، بۇل جولداۋدى حالىقتىڭ كوپشىلىگى جاقسى قابىلدايدى، ويتكەنى ول ءارتۇرلى الەۋمەتتىك توپتارعا باعىتتالعان، ال مەملەكەتتىك بيلىك ورگاندارى ءۇشىن پرەزيدەنت الداعى كەزەڭگە قويعان وزەكتى مىندەتتەردى شەشۋگە ناقتى باعدار بەرىلەدى. جولداۋداعى جاڭاشىلدىق «ۇكىمەتكە جىل سوڭىنا دەيىن جۇمىس ىستەپ وزدەرىنىڭ جيناقتالعان زەينەتاقى قورىنىڭ ءبىر بولىگىن ماقساتتى پايدالانۋ ماسەلەسىن پىسىقتاۋدى، مىسالى، تۇرعىن ءۇي ساتىپ الۋ نەمەسە ءبىلىم الۋ ءۇشىن پايدالانۋ». بۇل شارا ءوزىنىڭ زەينەتاقى جيناقتارىن ادال اۋداراتىن قازاقستانداعى كوپتەگەن وتباسىلاردىڭ قارجىلىق ماسەلەلەرىن شەشۋگە مۇمكىندىك بەرەدى»-دەدى، كافەدرا مەڭگەرۋشىسى.