مەملەكەت باسشىسى جولداۋدا حالىقارالىق نارىقتاردا بيزنەسكە قولداۋ كورسەتۋگە نازار اۋداردى. الداعى ۋاقىتتا ۇكىمەت دەڭگەيىندە ونىمدىلىگى جوعارى ورتا بيزنەسكە قولداۋ كورسەتۋدىڭ كەشەندى شارالارى ازىرلەنەتىن بولادى. جامبىل وبلىسىندا اعىمداعى جىلى نەگىزگى كاپيتالعا سالىنعان ينۆەستيسيا كولەمى 145،7 ملرد. تەڭگەنى قۇراپ، وتكەن جىلدىڭ ءتيىستى كەزەڭىمەن سالىستىرعاندا 9،9%-عا ارتتى دەپ جازادى Qamshy.kz اقپارات اگەنتتىگى. 

ونىڭ ىشىندە، شەتەلدىك ينۆەستيسيا ۇلەسى 14،5 ملرد. تەڭگەگە نەمەسە 9،3%-عا وسكەن. جىل سوڭىنا دەيىن 81 ملرد. تەڭگەگە قوسىمشا 9 جوبانى (1 جوبا، شەتەلدىك ينۆەستورلاردىڭ قاتىسۋىمەن) ىسكە قوسۋ جوسپارلانۋدا.

جالپى، 2019-2026 جىلدارى ىسكە اسىرىلاتىن قۇنى 2،5 ترلن. تەڭگە قۇرايتىن 84 ينۆەستيسيالىق جوبانىڭ بازاسى قالىپتاستىرىلعان. ونىڭ ىشىندە شەتەلدىك كومپانيالاردىڭ قاتىسۋىمەن 1،4 ترلن. تەڭگەگە 17 جوبا بار.

«سيفرلىق قازاقستان» مەملەكەتتىك باعدارلاماسى اياسىندا وڭىردە 5 نەگىزگى باعىت بويىنشا (ءبىلىم بەرۋ، دەنساۋلىق ساقتاۋ، تكش، كولىك، قاۋىپسىزدىك) جۇمىستار جۇرگىزىلۋدە.

"سمارت سيتي" 2019-2022 جىلدارعا ارنالعان جول كارتاسى بويىنشا 11 باعىتتا 65 جوبانى ىسكە اسىرۋ كوزدەلىپ وتىر.

اۋىل شارۋاشىلىعى – ءبىزدىڭ نەگىزگى رەسۋرسىمىز. جامبىل وبلىسى ەگىن وسىرۋگە دە، مال باپتاۋعا دا گەوگرافيالىق تۇرعىدان وتە قولايلى ايماق. 2019 جىلدىڭ 6 ايىندا قايتا وندەلگەن اۋىشارۋاشىلىق ونىمدەرىنىڭ ەكسپورتى 5 ملن 790 مىڭ 400 اقش دوللارىن قۇرادى.

وبلىستا ەت ءونىمىن دامىتۋ كارتاسى ازىرلەندى. 2018-2027 جىلدار ارالىعىندا ەت باعىتىنا باعىتتالعان 3 مىڭ فەرمەر شارۋاشىلىعى ۇيىمداستىرىلادى، شەت ەلدەن جالپى 36 مىڭ باس ءمۇيىزدى ءىرى قارا ساتىپ الۋ جوسپارلانىپ وتىر. وسى شارالاردىڭ ناتيجەسىندە وندىرىستىك بورداقىلاۋ الاڭدارىندا وندىرىلەتىن سيىر ەتى 2،7 مىڭ توننادان 16،8 مىڭ تونناعا، ەكسپورت كولەمى 2،5 مىڭ تونناعا جەتكىزىلمەك.

وبلىستىڭ سۋارمالى جەرلەرىن ۇلعايتۋ بويىنشا جايىلىمعا اۋىسىپ كەتكەن 24 مىڭ 700 گەكتار جەردىڭ 17 مىڭ 100 گەكتارى قايتادان سۋارمالى جەرگە اۋىستىرىلۋدا. ودان باسقا، وبلىستا قۇرىلعان مەحانيكالىق جاساق (وترياد) ارقىلى 18 مىڭ گەكتار سۋارمالى القاپ قالپىنا كەلتىرىلەدى.

ەلباسىنىڭ «اۋىل – ەل بەسىگى» ارنايى جوباسى اۋىلدىق ەلدى مەكەندەردى دامىتۋعا باعىتتالعان بىرەگەي باستاما.

اتالعان جوبا اياسىندا 3 اۋداننىڭ ورتالىقتارىندا (بايزاق – ا.سارىكەمەر، جامبىل – ا.اسا، شۋ – ا.تولەبي) 2 ملرد. 77 ملن تەڭگەگە 108 جوبا ىسكە اسىرىلۋدا. ونىڭ 104 جوباسى (2 ملرد. 300 ملن تەڭگەگە) - الەۋمەتتىك، ءتۇرعىن-ۇي كوممۋنالدىق شارۋاشىلىعى، كولىك ينفراقۇرىلىمدارى نىساندارىن جوندەۋگە، 4 جوبا (4 ملن.تەڭگەگە) الەۋمەتتىك نىساندار قۇرىلىسىن جۇرگىزۋگە ارنالعان.

2020 جىلعا وبلىسقا 2 ملرد. تەڭگە كولەمىندە قارجى ءليميتى بەلگىلەنىپ، وعان قورداي، مەركى، ساۋداكەنت اۋىلدارىندا 53 جوبانى جۇزەگە اسىرۋ جوسپارلانۋدا.