1939 جىلدىڭ 14 قازانىندا جامبىل وبلىسى قۇرىلعاننان كەيىن ونداعى قوعامدىق-ساياسي قىزمەتتى جۇزەگە اسىراتىن مەملەكەتتىك مەكەمەلەر دە قۇرىلا باستادى. سونىڭ ءبىرى وبلىستىق ارحيۆ مەكەمەسى بولاتىن. اتالعان مەكەمە قازاق سوۆەتتىك سوسياليستىك رەسپۋبليكاسى ىشكى ىستەر حالىق كوميسسارلارى وبلىستىق باسقارماسىنىڭ بۇيرىعىمەن قۇرىلدى، دەپ جازادى Qamshy.kz اقپارات اگەنتتىگى.
«وبلىستا مۇراعات ءبولىمىن قۇرۋ تۋرالى» ىشكى ىستەر حالىق كوميسسارلارىنىڭ №1875 بۇيرىعى 1939 جىلدىڭ 22 جەلتوقسانىندا شىقتى. ال مۇراعات ءبولىمى ىشكى ىستەر حالىق كوميسسارلارى وبلىستىق باسقارماسىنىڭ جانىنان 1940 جىلدىڭ قاڭتارىنان باستاپ جۇمىس جاساي باستادى. جالپى وڭىردەگى مۇراعات جۇرگىزۋ ءىسى 1918 جىلدان قولعا الىنعان. ءدال وسى جىلى «مۇراعات ءىسىن قايتا ۇيىمداستىرۋ تۋرالى دەكرەت» شىعىپ تۇركىستان اۆتونومدىق سوۆەتتىك سوسياليستىك رەسپۋبليكاسى سىرداريا وبلىسى، وڭتۇستىك قازاقستان وبلىسى قۇرامىنداعى بارلىق اۋدانداردا مۇراعات اشۋ ماسەلەسى كۇن تارتىبىنە قويىلدى. 1933 جىلى اۋليەاتا، جۋالى، قورداي، مەركى، شۋ اۋداندارىندا مۇراعاتتار قۇرۋ تۋرالى بۇيرىققا قول قويىلدى. كەيىننەن اۋداندىق مۇراعاتتار اۋليەاتاداعى اۋدانارالىق مۇراعات بيۋروسىنا بەكىتىلدى.
نەگىزىنەن وڭىردەگى مۇراعاتتاندىرۋ ءىسى وتكەن عاسىردىڭ ەكىنشى ونجىلدىعىندا باستالعانىمەن بۇل جۇمىستا بىرىزدىلىك بولماعان. كەيىننەن مۇراعاتتىق مالىمەتتەر اۋداندىق اتقارۋ كوميتەتىنىڭ جەمىس-جيدەك، استىق ساقتاۋعا ارنالعان جەرتولەلەرىندە ساقتالىپ كەلگەندىگى دە اشكەرەلەندى. ءتىپتى باستاپقىدا اۋداندىق مۇراعاتتاردىڭ ماتەريالدىق-تەحنيكالىق بازاسى 1 ۇستەل مەن 1 ورىندىق جانە سيا ساۋىتىنان تۇرعاندىعى تۋرالى دا دەرەكتەر ايتىلادى. العاشىندا مۇراعاتشى قىزمەتىن اۋداندىق اتقارۋ كوميتەتىنىڭ ماشينيستكالارىنىڭ اتقارۋى دا بۇل سالاعا ءاۋ باستا ءتيىستى كوڭىل بولىنبەگەندىگىن ايعاقتايدى.
الايدا ارادا وتكەن 80 جىل قازاقستانداعى ارحيۆ سالاسىمەن بىرگەن جامبىلداعى مۇراعاتتاندىرۋ ىسىنە سونى سەرپىلىس اكەلدى. وتكەن جىلى ەلباسىنىڭ «ۇلى دالانىڭ جەتى قىرى» ماقالاسىندا بۇل سالاعا ارنايى كوڭىل ءبولىنىپ، «ارحيۆ-2025» مەملەكەتتىك باعدارلاماسىنىڭ قولعا الىناتىندىعى ايتىلادى. ءقازىر وبلىستاعى ارحيۆ قىزمەتى سيفرلاندىرۋ جۇيەسىنە كوشە باستادى. سايكەسىنشە بۇل جۇيە جەرگىلىكتى تۇرعىنداردىڭ ارحيۆ سالاسىنداعى سۇرانىسىن جەدەل وتەۋگە جول اشتى.
