ۇكىمەت الەۋمەتتىڭ الەۋەتىن جاقسارتۋ باعىتىندا از جۇمىس جاساپ جاتقان جوق. بۇعان باعىتتالعان ناقتى مەملەكەتتىك باعدارلامالار دا بارشىلىق. ودان بولەك، مەملەكەت باسشىسى قاسىم-جومارت توقايەۆتىڭ تىكەلەي تاپسىرماسىمەن سالاعا سەرپىن بەرەر باستامالار دا جاندانۋدا. مۇنداي يگىلىكتەن جامبىل وبلىسى دا شەت قالماۋدا، دەپ جازادى Qamshy.kz اقپارات اگەنتتىگى. ماسەلەن دەنساۋلىق ساقتاۋ سالاسى بويىنشا 2019 جىلى مەملەكەتتىك جەكەشەلىك ارىپتەستىك باعدارلاما اياسىندا ءۇشارال اۋىلدىق وكرۋگىندەگى ارال، قايىر ەلدى مەكەندەرىندە جانە ءقىزىلاۋىت اۋىلدىق وكرۋگىنە قاراستى اقتوبە ەلدى مەكەنىندە 5 كەلىشۋگە ارنالعان مەديسينالىق پۋنكتتەردى سوعۋ جۇمىستارى جۇرگىزىلۋدە.

ءبىلىم سالاسى بويىنشا اۋداندا 1 جوعارى وقۋ ورنى، 4 كوللەدج، 35 مەكتەپ، 24 بالاباقشا (5 بالا باقشا جەكەمەنشىك)، 16 شاعىن ورتالىق، 5 مەكتەپتەن تىس مەكەمە، 1 پسيحولوگيالىق-پەداگوگيكالىق تۇزەتۋ كابينەتى بار. 2018 جىلى قاراتاۋ قالاسىندا 4 جەكەمەنشىك بالاباقشا اشىلدى (275 ورىن). سونىمەن قاتار، اعىمداعى جىلى 1 جەكەمەنشىك بالاباقشا اشىلىپ (50 ورىن)، ءبىر جەكەمەنشىك بالاباقشا قىركۇيەك ايىندا اشۋ جوسپارلانۋدا (50 ورىن).

مادەنيەت سالاسىنا كەلسەك، اۋدان اكىمدىگىنىڭ مادەنيەت جانە تىلدەردى دامىتۋ بولىمىنە قاراستى بارلىعى – 39 نىسان تۇرعىندارعا تۇراقتى تۇردە قىزمەت كورسەتۋدە.

«نۇر وتان» پارتياسىنىڭ باستاماشىل جوباسى اياسىندا 2018 جىلى تالاس اۋداندىق ورتالىق كىتاپحاناسىندا «كوۆوركينگ» ورتالىعى اشىلىپ، تولىققاندى جۇمىس اتقارۋدا.

2019 جىلى اتالعان باستامانى جالعاستىرۋ ماقساتىدا اقكول اۋىلىنان «كوۆوركينگ» ورتالىعىن اشۋعا اۋداندىق بيۋدجەتتەن 1 ميلليون 700 مىڭ تەڭگە ءبولىنىپ، قىركۇيەك ايىندا اشۋ جوسپارلانۋدا.

ارينە اتالعان ءۇش سالادا الەۋمەتتىڭ تۇرمىسىمەن تىعىز بايلانىستى. سونداي-اق مەملەكەتتىك قۇرىلىمنىڭ نەگىزى سانالادى. مەملەكەت باسشىسى قاسىم-جومارت كەمەل ۇلى جولداۋىندا ەڭ الدىمەن وسى بالا تاربيەسى مەن بىلىمىمەن اينالىسىپ جاتقان مۇعالىمدەردىڭ مارتەبەسى مەن ايلىق جالاقىسىن كوتەرۋدى تاپسىردى. بۇل ۇستازدارعا دەگەن قۇرمەت عانا ەمەس، ەلدىڭ ەرتەڭى سانالعان بىلىمگەرلەرگە جاسالعان قامقورلىق. ەكىنشىدەن پرەزيدەنت مادەنيەت سالاسى قىزمەتكەرلەرىنىڭ ايلىق جالاقىسىن ءوسىرۋ جۇيەسىن ويلاستىرۋدى ۇكىمەتكە جۇكتەدى. بۇل دا جەمىسى بار جوبا، باعدارى بار باستاما ەكەنى داۋسىز.