جامبىل وبلىسى تالاس اۋدانىندا ستاتيستيكالىق مالىمەت بويىنشا جاستار سانى 13864 جاستى قۇرايدى. ياعني حالىق سانىنىڭ 25،1 پايىزى جاستار بولىپ سانالادى. مەملەكەتتىك جاستار ساياساتىن جۇزەگە اسىرۋ اياسىندا «جاستار رەسۋرستىق ورتالىعى»، «جاس وتان» جاستار قاناتى جانە 3 جاستار قوعامدىق بىرلەستىكتەرى جۇمىس اتقارۋدا، دەپ جازادى Qamshy.kz اقپارات اگەنتتىگى.  «جاستار رەسۋرستىق ورتالىعى» كمم-ى 2018 جىلدىڭ 12 ايىندا قوعامدىق، مەملەكەتتىك ۇيىمدارمەن بىرلەسە 655 ءىس-شارا ۇيىمداستىرىپ وتكىزگەن.

جاستار جىلىنا وراي اۋداندا اۋقىمدى ءىس-شارالار جوسپارلانىپ، اتالعان جوسپارلاردى جۇزەگە اسىرۋ اياسىندا 5 ملن. تەڭگە قارجى ءبولىندى. بۇگىنگى كۇنگە ءار ءتۇرلى تاقىرىپتاردا 16 ءىس-شارا («ۇلى دالانىڭ جاستارى» اتتى اۋداندىق پىكىرتالاس تۋرنير، «اياۋلى انا، يبالى كەلىن-2019» اتتى اۋداندىق جاس كەلىندەر بايقاۋى، «تۋعان جەرگە تاعزىم» اتتى ەكسپەديسيا، «سۇڭقار» اسكەري پاتريوتتىق ويىندارى، «جاستار-ۇلتتار بىرلىگىنىڭ ۇيىتقىسى» اتتى اۋداندىق جاستار فەستيۆالى) وتكىزىلدى. اعىمداعى جىلدىڭ 13-15 تامىزى ارالىعىندا «جۇرىندىساي» ساۋىقتىرۋ لاگەرىندە جاستار اراسىندا زياتكەرلىك، ادامي جانە وي ۇشقىرلىعى الەۋەتىنىڭ قالىپتاسۋىنا، قوعامدىق ومىرگە بەيىمدەلۋگە ىقپال ەتۋگە باعىتتالعان «جاستار - بولاشاق ەنەرگياسى» تاقىرىبىندا وقىتۋ-ساۋىقتىرۋ لاگەرى ءوتتى.

سونىمەن قاتار، وبلىس اكىمىنىڭ قولداۋىمەن وبلىس بويىنشا جاستاردىڭ كاسىپكەرلىگىن قولداۋ ماقساتىندا 303 ملن. تەڭگە بولگەن قاراجات ەسەبىنەن 3 ملن. تەڭگەگە دەيىن قايتارىمسىز گرانتتار ءبولۋ بويىنشا بارلىعى اۋدان بويىنشا 46 جوبا ۇسىنىلىپ، 36 ملن. تەڭگەنىڭ 16 جوباسى قولداۋ تاپتى. بۇلدا ءبىزدىڭ اۋدان جاستارىنىڭ بەلسەندىلىگىنىڭ ارقاسى دەپ بىلەمىن.

سول سياقتى، «باستاۋ بيزنەس» جانە «جاس كاسىپكەر» جوبالارى بويىنشا كاسىپكەرلىك نەگىزدەرىندە 64 جاس وقۋىن اياقتاپ، قازىرگى تاڭدا اتالعان جاستار ءوز بيزنەس جوسپارلارىن جاساپ، رەسپۋبليكالىق بيۋدجەتتەن بولىنەتىن 505 مىڭ تەڭگە كولەمىندە قايتارىمسىز گرانتقا 44 جوباعا قارجى ءبولىنىپ وتىر. (گرانتتاردى ءبولۋ شارالارى قازان ايىنا جوسپارلانۋدا)

اۋدانعا كەلگەن جاستاردى قولداۋ ماقساتىندا «ديپلوممەن اۋىلعا» باعدارلاماسى بويىنشا 2019 جىلى 8 ايىندا 29 مامانعا (ونىڭ ىشىندە: ءبىلىم بەرۋ سالاسى-15، دەنساۋلىق سالاسى-9، سپورت-3، ۆەتەريناريا سالاسى-2) كوتەرمە جاردەماقى ءۇشىن 5 ملن. 505 مىڭ تەڭگە جانە تۇرعىن ءۇي ساتىپ الۋ ءۇشىن 12 مامانعا (ءبىلىم – 8، دەنساۋلىق سالاسى-1، ۆەتەريناريا - 3) 37 ملن. 685 مىڭ تەڭگە نەسيە بەرىلدى.