تالاس اۋدانىندا قۇرىلىس جۇمىستارىنىڭ كولەمى ارتىپ كەلەدى. اتاپ ايتقاندا، 2019 جىلدىڭ 8 ايىندا قۇرىلىس كولەمى 3 ملرد. 882 ملن. 900 مىڭ تەڭگەنى قۇراپ، وتكەن جىلمەن سالىستىرعاندا 107،9 پايىزعا ورىندالعان دەپ جازادى Qamshy.kz اقپارات اگەنتتىگى.

اۋدان بويىنشا پايدالانۋعا بەرىلگەن تۇرعىن ۇيلەردىڭ جالپى كولەمى 2019 جىلدىڭ 8 ايىندا 5706 شارشى مەتردى قۇراپ، ينديكاتورلىق جوسپار 706 شارشى مەترگە ارتىق ورىندالدى.

اۋداندا 2019 جىلدىڭ 1 قىركۇيەككە كەزەكتە تۇرعان تۇرعىن ۇيگە مۇقتاج ازاماتتار سانى 1701 ادامدى قۇرادى. «قول جەتىمدى باسپانا – 2020» باعدارلاماسى اياسىندا قاراتاۋ قالاسىندا جالپى اۋدانى 27 752 شارشى مەتردى قۇرايتىن 440 پاتەرلى 6 كوپقاباتتى تۇرعىن ۇيلەر جوندەۋدەن وتكىزىلىپ، كەزەكتە تۇرعان ازاماتتارعا كەزەك رەتىمەن بەرىلۋدە.

سونىمەن قاتار، قالاداعى بوس تۇرعان 3 كوپقاباتتى تۇرعىن ۇيلەر كوممۋنالدىق مەنشىككە الىنىپ، اۋداندىق بيۋدجەتتەن 14 ملن. 910 مىڭ تەڭگە ءبولىنىپ، ەكى ۇيلەردىڭ جوبالىق-سمەتالىق قۇجاتتار ازىرلەنىپ، وبلىستىق قۇرىلىس باسقارماسىنا 629 ملن. 198 مىڭ تەڭگەگە بيۋدجەتتىك ءوتىنىم تاپسىرىلىپ، ءبىر ءۇيدىڭ جوبالىق-سمەتالىق قۇجاتتار ازىرلەنۋدە.

بۇگىنگى كۇنگە كوپ بالالى نەمەسە جاعدايى تومەن وتباسىلاردى ۋاقىتشا تۇرعىن ۇيمەن قامتاماسىز ەتۋ ماقساتىندا، قاراتاۋ قالاسىنداعى 3 مولتەك اۋدانى №3 جانە №4 جاتاقحانالارى تالاس اۋداندىق سوتىنىڭ شەشىمىمەن اعىمداعى جىلدىڭ ءساۋىر ايىندا كوممۋنالدىق مەنشىككە الىنىپ، قايتا جاڭعىرتۋ جۇمىستارىنا 504 ملن. 484 مىڭ تەڭگەگە جوبالىق سمەتالىق قۇجاتتاما جاسالىنىپ، 3 مولتەك اۋدانى №3 جاتاقحانا مەملەكەتتىك ساراپتامادان ءوتتى، №4 جاتاقحانا وتۋدە.

سونداي-اق، «تۇرعىن ۇي-كوممۋنالدىق شارۋاشىلىعىن جاڭعىرتۋدىڭ 2011-2020 جىلدارعا ارنالعان» باعدارلاما اياسىندا 2019 جىلعا قاراتاۋ قالاسىندا 5 كوپپاتەرلى تۇرعىن ۇيگە جوندەۋ جۇمىستارى جوسپارلاندى. ناتيجەسىندە قايتارىم قاراجاتقا م.اۋەزوۆ كوشەسى №5 جانە №9 كوپپاتەرلى تۇرعىن ۇيلەردىڭ سمەتالارى ازىرلەنىپ، اعىمداعى جىلدىڭ ءساۋىر ايىندا جوندەۋ جۇمىستارى باستالدى. جوندەۋ جۇمىستارىنا جەرتولەسى، كىرەبەرىستەرى جانە ءۇيدىڭ اينالاسىن اباتتاندىرۋ جۇمىستارى تولىق جۇرگىزىلدى. سونىمەن قاتار، 3 مولتەك اۋدانى №35 كوپپاتەرلى تۇرعىن ءۇيدىڭ كىرەبەرىسى جانە ءۇيدىڭ اينالاسىنا اباتتاندىرۋ جۇمىستارى جۇرگىزىلۋدە. قالعان سانىراق باتىر №1 جانە اۋەزوۆ №7 ۇيلەردىڭ جوندەۋ جۇمىستارى قازان ايىندا جوسپارلانۋدا.