«اتامەكەن» ۇلتتىق كاسىپكەرلەر پالاتاسىنىڭ نەگىزگى مىندەتتەرىنىڭ ءبىرى – قازاقستان رەسپۋبليكاسىندا كاسىپكەرلىك باستامانى ىسكە اسىرۋ ءۇشىن قولايلى قۇقىقتىق جاعدايلار جاساۋ بولىپ تابىلادى. وسى باعىتتى ۇستانعان پالاتا وڭىر-وڭىرلەردە كاسىپكەرلەردىڭ قۇقىقتارى مەن زاڭدى مۇددەلەرىن قورعاۋ قىزمەتىن كورسەتىپ كەلەدى. سونداي-اق، سالاعا قاتىستى زاڭنامانى جەتىلدىرۋ پروسەسىندە كاسىپكەرلىك مۇددەلەرىن قورعاۋدا دەپ جازادى Qamshy.kz اقپارات اگەنتتىگى.

بۇل باعىتتاعى جۇمىستار جامبىل وبلىسىندا دا جۇرگىزىلۋدە. اتاپ ايتساق، اعىمداعى جىلدىڭ 8 ايىندا جامبىل وبلىسىنىڭ كاسىپكەرلەر پالاتاسىنا بارلىعى 225 ءوتىنىش كەلىپ تۇسكەن. پالاتا قىزمەتكەرلەرى ءجىتى تالداۋىنان وتكەن سۇرانىستار جان-جاقتى قارالىپ، ناتيجەسىندە 48ء-ى وڭ شەشىمىن تاپقان. وسىلايشا، پالاتا بيزنەس وكىلدەرىن قولداۋ كورسەتىپ قانا قويماي، ولاردىڭ جالپى سوماسى 727 449 276 تەڭگەنى قۇرايتىن مۇلىكتىك قۇقىقتارىن قورعاپ قالعان.

بيزنەستى قورعاۋدىڭ ەڭ پارمەندى قۇرالدارىنىڭ ءبىرى – جامبىل وبلىسى كاسىپكەرلەر پالاتاسىنىڭ كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس - قيمىل جونىندەگى كەڭەسى. تۇراقتى جۇمىس ىستەيتىن كونسۋلتاتيۆتىك-كەڭەسشى ورگان جانە كاسىپكەرلىك سۋبەكتىلەرىنىڭ قۇقىقتارى مەن زاڭدى مۇددەلەرىن ۇسىنۋ، قامتاماسىز ەتۋ جانە قورعاۋ ماسەلەلەرى بويىنشا مىندەتتەردى جەدەل جانە جۇيەلى شەشۋ، سونداي-اق جامبىل وبلىسىندا بيزنەستى دامىتۋدىڭ پروبلەمالىق ماسەلەلەرىن جاريا ەتۋ ماقساتىندا قۇرىلعان. 2019 جىلدىڭ اعىمداعى كەزەڭىندە كاسىپكەرلەردىڭ قۇقىقتارىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەستىڭ 7 وتىرىسى وتكىزىلدى. ولاردىڭ قاراۋىنا 11 پروبلەمالى ماسەلە شىعارىلدى، ونىڭ 5ء-ۋى وڭ شەشىلگەن.

بۇدان بولەك، كاسىپكەرلەر وڭىرلىك پالاتاعا جەر قاتىناستارى، مەملەكەتتىك ساتىپ الۋ جانە سالىق سالۋ سالاسىنداعى پروبلەمالار بويىنشا دا جۇگىنۋدە.

– بۇگىنگى تاڭدا قالالار مەن ەلدى مەكەندەردە كوممەرسيالىق ماقساتتار ءۇشىن جەر ۋچاسكەلەرىن الۋ نەمەسە ساتىپ الۋ جامبىلدىق كاسىپكەرلەردىڭ ەڭ ماڭىزدى پروبلەمالارىنىڭ ءبىرى بولىپ وتىر. قازاقستان رەسپۋبليكاسى جەر كودەكسىنىڭ 48-بابىنا سايكەس مەملەكەتتىك مەنشىكتەگى جەر ۋچاسكەلەرىن نەمەسە جەر ۋچاسكەلەرىن جالداۋ قۇقىعىن بەرۋ ساۋدا-ساتتىقتا، ونىڭ ىشىندە ۇيىمداستىرۋ جانە وتكىزۋ ءتارتىبى قازاقستان رەسپۋبليكاسى ۇلتتىق ەكونوميكا ءمينيسترىنىڭ 21015 جىلعى 31 ناۋرىزداعى №290 بۇيرىعىمەن بەكىتىلگەن ەرەجەمەن رەتتەلگەن ەلەكتروندىق ساۋدا-ساتتىق وتكىزۋ جولىمەن جۇزەگە اسىرىلادى. بۇگىنگى كۇنى جەر ۋچاسكەلەرىن بەرۋ بويىنشا وتكىزىلگەن بارلىق ساۋدا-ساتتىق ستاندارتتى سحەمالار بويىنشا جۇزەگە اسىرىلدى، – دەيدى

جامبىل وبلىسى كاسىپكەرلەر پالاتاسى ديرەكتورىنىڭ قۇقىقتىق ماسەلەلەر جونىندەگى ورىنباسارى يرينا كيم.