جۇمىسپەن ناتيجەلى قامتۋ – حالىقتى الەۋمەتتىك قامسىزداندىرۋدىڭ نەگىزى، ادامي رەسۋرستار پوتەنسيالىنىڭ دامۋى مەن ىسكە اسىرىلۋىنىڭ ماڭىزدى شارتى بولىپ تابىلادى. وسى باعىتتا اۋداندا اتالمىش رەفورمانى جۇزەگە اسىرۋ بويىنشا ءبىرقاتار جۇمىستار اتقارىلۋدا. سونىڭ ءبىرى – جۇمىسسىز ازاماتتار ەسەبىندە تىركەۋدە تۇرعاندارعا ۇيىمداستىرىلعان بوس جۇمىس ورىندارىنىڭ جارمەڭكەسى دەپ جازادى Qamshy.kz اقپارات اگەنتتىگى .

جامبىل وبلىسى “Nur Otan” پارتياسى بايزاق اۋداندىق فيليالىنىڭ قولداۋىمەن “كەدەرگىسىز كەلەشەك” پارتيالىق جوباسى اياسىندا، مۇمكىندىگى شەكتەلۋى جاندار مەن جۇمىس ىزدەۋشىلەرگە ارنالعان بوس جۇمىس ورىندارىنىڭ جارمەڭكەسىن وتكىزۋگە اۋدان اكىمدىگى حالىقتى جۇمىسپەن قامتۋ ورتالىعى ۇيىتقى بولدى. اتالمىش جارمەڭكەگە “Nur Otan” پارتياسى اۋداندىق فيليالىنىڭ ەسەپ جانە ستاتيستيكا سەكتورىنىڭ مەڭگەرۋشىسى قالدىباي كۋسەميسوۆ، اۋدان اكىمدىگى حالىقتى جۇمىسپەن قامتۋ جانە الەۋمەتتىك باعدارلامالار ءبولىمى باسشىسىنىڭ ورىنباسارى جارقىنبەك ايتقۇلوۆ، اۋىلدىق وكرۋگ اكىمشىلىكتەرى جانە جۇمىس ىزدەۋشىلەر مەن جۇمىس بەرۋشىلەر قاتىستى. شارانى اۋدان اكىمدىگى حالىقتى جۇمىسپەن قامتۋ ورتالىعى ديرەكتورىنىڭ ورىنباسارى سالتانات ابدرەيەۆا جۇرگىزدى.

جارمەڭكەدە جۇمىس بەرۋشىلەر تاراپىنان ۇسىنىلعان بوس جۇمىس ورىندارىنا جۇمىسسىز ازاماتتارعا ماماندىقتارىنا سايكەس، جۇمىسقا ورنالاسۋ مۇمكىندىكتەرى بويىنشا تۇسىندىرمە جۇمىستارى جۇرگىزىلدى. جۇمىسسىز ازاماتتاردى تىركەۋ جانە ەسەپكە قويۋ، جۇمىسسىزداردى جۇمىسقا ورنالاستىرۋ، بوس جۇمىس ورىندارىنا قاجەتتى قۇجاتتاردى راسىمدەۋ جانە جولداما بەرۋمەن ورتالىق ماماندارى ديدار سانسىزبايەۆ، اسەل باكتياروۆا، مامان ولجاس اينالىسسا، اينۇر يزباسوۆا مۇگەدەكتەردىڭ كۆوتامەن جۇمىسقا ورنالاسۋىن ۇيىمداستىردى.

ناتيجەسىندە جارمەڭكەگە قاتىسقان 8 جۇمىس بەرۋشى تاراپىنان بوس جۇمىس ورىندارىنا 9 جولداما بەرىلدى. اتاپ ايتقاندا، ع.بايتاسوۆ اتىنداعى تىرەك مەكتەبىنە ءبىر بىرلىك ەدەن جۋۋشى، “استانا” بالاباقشاسىنا حورەوگراف، كوكتال ورتا مەكتەبىنە كۇزەتشى، ن.كيىكبايەۆ اتىنداعى مەكتەپ – گيمنازياسىنا پسيحولوگ پەن باستاۋىش سىنىپ ءمۇعالىمى، ع.مۇراتبايەۆ گيمنازياسىنا پسيحولوگ، اقشولاق ورتا مەكتەبى مەن №4 مەكتەپ – ليسەيىنە ءبىر-بىر بىرلىكپەن اۋلا سىپىرۋشىلار، پسيحولوگيالىق – پەداگوگيكالىق تۇزەتۋ كابينەتىنە ءبىر بىرلىك پسيحولوگ جۇمىسقا بەرىلەتىن جولداماعا يە بولدى.

جۇمىسپەن قامتىلعان جۇمىسسىزدارعا سالتاناتتى تۇردە جولدامالارى تابىس ەتىلدى. ينديكاتور كورسەتكىشىمەن بەكىتىلگەن مۇگەدەكتەردى جۇمىسپەن قامتۋعا قاتىستىرۋدىڭ جىلدىق جوسپارى 46 ادام بولسا، جىل باسىنان قامتىلعاندار سانى 51 ادامدى قۇراپ، اعىمداعى جىلدىڭ سەگىز ايى قورىتىندىسىمەن مەجە 110،9 پايىزعا ورىندالىپ وتىر.