ەل پرەزيدەنتىنىڭ جولداۋى جەر-جەرلەردە جان-جاقتى قولداۋ تابۋدا. جامبىل وبلىسى سارىسۋ اۋداندىق ورتالىق كىتاپحاناسىنىڭ «كوۆوركينگ» ورتالىعىندا كىتاپحانا قىزمەتكەرلەرى اراسىندا مەملەكەت باسشىسى قاسىم-جومارت توقايەۆتىڭ قازاقستان حالقىنا جولداعان «سىندارلى قوعامدىق ديولوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىن قولداۋ ماقساتىندا «ۇلى ماقساتتارعا جەتەلەيتىن جولداۋ» اتتى دوڭگەلەك ۇستەل وتىرىسى ءوتتى دەپ جازادى Qamshy.kz اقپارات اگەنتتىگى.

قازاقستاننىڭ كەلەشەكتە اتقارىلاتىن باعدارلامالىق قۇجاتىن جۇيەلى جانە ايقىن ىسكە اسىرۋ ماقساتىندا وتكەن ءىس-شارادا سارىسۋ اۋداندىق ورتالىقتاندىرىلعان كىتاپحانالار جۇيەسىنىڭ ديرەكتورى س.ە.قوجانازاروۆا ق ر پرەزيدەنتى ق.توقايەۆتىڭ العاشقى جولداۋى ەلىمىزدىڭ جارقىن بولاشاعىنىڭ كەپىلى ەكەنىن اتاپ ءوتىپ ، جەتىستىكتەرىمىزدى ودان سايىن ەسەلەي تۇسەتىن جولداۋدىڭ 10 نەگىزگى باعىتتارىنا توقتالىپ ءوتتى.

ورتالىق كىتاپحانا جۇيەسى ديرەكتورىنىڭ ورىنباسارى ا.جولماحانوۆا جولداۋداعى اۋىر قىلمىستار ءۇشىن جازانى قاتاڭداتۋ،ازاماتتىق قوعامدى قولداۋ،ىشكى ىستەر ورگاندارىن رەفورمالاۋ ءبىلىم ساپاسىن جاقسارتۋ،ەڭبەكاقى تولەمىن ارتتىرۋ باسقا دا وزەكتى ماسەلەلەر كوتەرگەندىگىن جانە حالىقپەن ءتيىمدى كەرى بايلانىس ورناتۋ، ميتينگىلەر تۋرالى زاڭنامانى جەتىلدىرۋ، قوعامدىق كەلىسىمدى نىعايتۋ باعىتتارى دا حالىق كوڭىلىنەن شىعىپ وتىرعاندىعىنا توقتالدى.ءبولىم مەڭگەرۋشىلەرى ج.مەلدەبەكوۆا، ب.اۋباكيروۆا، ك.وسپانوۆا، ج.تاشەنوۆا ،گ.سارمانوۆا جولداۋدا جەر، ءتىل ماسەلەسى، مەملەكەتتىك ساتىپ الۋ، ۇلتتىق قور قاراجاتى، مۇعالىمدەردىڭ جالاقىسى ءتارىزدى حالىقتىڭ كوكەيىندە جۇرگەن كوپتەگەن كەلەلى ماسەلەر كوتەرىلگەندىگىن،اسىرەسە ءتورتىنشى باعىتى بويىنشا مەملەكەت باسشىسىنىڭ مادەنيەت سالاسىنا ەرەكشە كوڭىل ءبولىپ ونىڭ ىشىندە كىتاپحاناشىلار مارتەبەسى تۋرالى ايتىلىپ، كىتاپحاناشىلار ەڭبەگىنىڭ ۇكىمەت نازارىنا ىلىنگەنىنە ريزاشىلىقتارىن ءبىلدىردى.

قاتىسۋشى كىتاپحانا قىزمەتكەرلەرى، ەل رۋحىن اسقاقتاتقان تاريحي جولداۋدا بارلىعىن بىردەي مەملەكەتكە ارتا بەرمەي، ەل ءۇشىن جاۋاپكەرشىلىكتى سەزىنۋ، تەك قانا ەڭبەك ءبىزدىڭ كوسەگەمىزدى كوگەرتەتىنى ناقتى ايتىلعاندىعىن، كوزدەلگەن بارلىق العا قويعان باعىتتارىن جانە كەلەسى جىلى ءال-فارابيدىڭ 1150 جىلدىعى مەن اباي قۇنانباي ۇلىنىڭ 175 جىلدىق مەرەيتويىن اتاپ ءوتۋدى جۇزەگە اسىرۋدا كىتاپحاناشىلاردىڭ دا قوسار ۇلەسى زور ەكەندىگىن ايتىپ ءبىراۋىزدان قولداۋ ءبىلدىردى.