ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان “ەڭبەك” باعدارلاماسىنىڭ ەكىنشى باعىتى «باستاۋ بيزنەس» كاسىپكەرلىك نەگىزدەرىنە وقىتۋ كۋرسى اياسىندا «جاس كاسىپكەر» جوباسىنىڭ 70-كە جۋىق قاتىسۋشىسىنا اۋدان اكىمىنىڭ ورىنباسارى نۇردوس تويبايەۆ جاستارعا ساتتىلىك تىلەپ، ارنايى سەرتيفيكاتتاردى تابىستادى دەپ جازادى Qamshy.kz اقپارات اگەنتتىگى .

قاتىسۋشىلاردىڭ ەڭ باستى ارتىقشىلىقتارى – ولار ءالى جاس، كۇشى كوپ جاسامپاز جاندار. ولار بىلۋگە قۇمار جانە ىزدەنىمپاز. وزدەرىن-وزدەرى جەتىلدىرۋگە دايىن. العان بىلىمدەرىن تاجىريبەدە قولدانۋدى ءجون سانايدى. ءبىر ايعا سوزىلعان وقۋ بارىسىندا جاس كاسىپكەر مەكتەبىنىڭ تىڭداۋشىلارى بيزنەس جۇرگىزۋدىڭ زاڭدىق، ەكونوميكالىق جانە الەۋمەتتىك قىرلارىن، سونداي-اق ماركەتينگ پەن مەنەدجمەنتتى وقىپ، بيزنەس-جوسپار قۇرۋدى ۇيرەندى. كاسىپكەرلەر پالاتاسىنىڭ بيزنەس-جاتتىقتىرۋشىسى ديانا بالتاباي قىزىنىڭ پىكىرىنشە، اتالعان كۋرس كاسىپكەرلىك نەگىزدەرىن تانىپ، تۇسىنۋگە كومەكتەسكەن. تىڭداۋشىلار ازىرلەگەن جوسپارلارىن تانىستىرىپ، بولاشاق جوبالارىن قورعادى.

ءبىر ايتا كەتەرلىگى، جوبالار اۋىل شارۋاشىلىعى سالالارىن، اسىرەسە، مال شارۋاشىلىعى سالاسىن كەڭىنەن قامتىعان. جاستار ءوز بيزنەس-جوبالارىندا قوي شارۋاشىلىعى (ونىڭ ىشىندە، ءسۇتتى ەشكىلەر ءوسىرۋ)، قۇس شارۋاشىلىعى، مايلار مەن مايلار ءوندىرىسى، تىگىن سەحى (اتەلە، توقۋ سەحى)، سۇلۋلىق سالوندارىنىڭ قىزمەتتەرى (شاشتاراز)، اۆتوسەرۆيس (تەحنيكالىق قىزمەتتەۋ ستانسياسى، شينومونتاج، اۆتوبولشەكتەر)، نان-توقاش جانە كونديتەرلىك ونىمدەر ءوندىرىسى، قوعامدىق تاماقتانۋ قىزمەتتەرى، شەبەرحانا (تەحنيكانى جوندەۋ، كادەسىيلار، قۇرال-سايماندار) جانە جىلىجاي شارۋاشىلىعىنا باسىمدىق بەرگەن.

ايتا كەتەيىك، اتالمىش جوبا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان “ەڭبەك” باعدارلاماسى اياسىندا «اتامەكەن» ۇلتتىق كاسىپكەرلەر پالاتاسىنىڭ باستاماسىمەن جۇزەگە اسىرىلىپ وتىر. وقىتۋ ۇزاقتىعى – ءۇش اپتا. وقۋ كەزەڭىنە شاكىرتاقى تولەنەدى. وقۋ اياقتالعاننان كەيىن سەرتيفيكات بەرىلەدى. سەرتيفيكات 200 ايلىق ەسەپتىك كورسەتكىشكە (505 مىڭ تەڭگە) دەيىنگى سوممادا گرانت الۋعا كونكۋرسقا قاتىسۋعا قۇقىق بەرەدى. سونىمەن قاتار تومەن پايىزدا نەسيە الامىن دەۋشىلەرگە قارجىلىق سۇيەمەلدەۋ جاسالادى. ءبىزدىڭ اۋدان بويىنشا وسى جوبانى جۇزەگە اسىرۋ بارىسىندا ءبىرىنشى لەكتە 50، ال، ەكىنشى لەكتە 70 جاستى قامتۋ جانە ولاردى بەلسەندى كاسىپكەرلىككە تارتۋ كوزدەلگەن.