مەملەكەت باسشىسىنىڭ جولداۋى جۇكتەگەن باستى مىندەت – اشىقتىڭ ءپرينسيپى ەكەنى بەلگىلى. ياعني بۇقارامەن بەرىك بايلانىس ورناتۋ. وسىعان وراي جامبىل وبلىسى سارىسۋ اۋداندىق پوليسيا ءبولىمى جانىنان جولداۋ اياسىندا «ازاماتتاردى قابىلداۋ» ياعني «ءفرونت-وفيسى» اشىلدى دەپ جازادى Qamshy.kz اقپارات اگەنتتىگى.

ازاماتتاردى قابىلداۋ ءبولىمىنىڭ اشىلۋ سالتاناتىنا وبلىستىق پوليسيا دەپارتامەنتى باستىعىنىڭ ورىنباسارى پوليسيا پولكوۆنيگى تەمىربەك ورازىمبەتوۆ قاتىسىپ، اشىلعالى وتىرعان ءبولىمنىڭ ماڭىزدىلىعىن ءتۇسىندىردى.

اۋدان جۇرتىشىلىعىن قۇتتىقتاي وتىرىپ، مەملەكەت باسشىسى قاسىم-جومارت كەمەل ۇلى توقايەۆ ءوز جولداۋىندا: «قۇقىق قورعاۋ جۇيەسىن تولىق رەفورمالاۋ – اسا ماڭىزدى مىندەتتەردىڭ ءبىرى» ەكەندىگىنە نازار اۋدارا وتىرىپ، پوليسەيلەر جۇمىسىنىڭ تيىمدىلىگىن، قىزمەت كورسەتۋ ساپاسىن ارتتىرۋ ماسەلەسىنە كەڭىنەن توقتالدى.

سودان سوڭ اۋداندىق ءماسليحات حاتشىسى س.بەگەيەۆ ءسوز سويلەپ: – جولداۋدا ايتىلعان تاپسىرمالاردى ورىنداۋ ماقساتىندا، بۇگىن حالىققا قىزمەت كورسەتۋ قاعيداتى بويىنشا اۋداندىق پوليسيانىڭ زاماناۋي فرونت-وفيسىنە جينالىپ وتىرمىز.

بۇل فرونت-وفيستە اۋدان تۇرعىندارى پوليسيا سالاسىنا قاتىستى ماسەلەلەرىن ايتىپ، قابىلدانعان ارىزدار بويىنشا سۇراقتارى مەن وتىنىشتەرىن ارنايى ماماندارعا جولداي الادى. ساناۋلى ۋاقىتتار ىشىندە شەشىلۋىنە مۇمكىندىك بەرىلەدى.

مۇندا وتىراتىن ارنايى پوليسيا ماماندارى ازاماتتارعا تۇسىندىرمەلەر مەن كەڭەستەر بەرىپ، ماسەلەلەرىن جەدەل قارايدى دەگەن سەنىمدەمىز.

ونى ارينە، وسى فرونت-وفيس ورنالاسقان پوليسيا بولىمشەسىنىڭ قىزمەتكەرلەرى، انىقتاۋشىلار، تەرگەۋشىلەر جانە كوشى-قون قىزمەتى توبىنىڭ ماماندارى جەدەل اتقارادى.

وسىنداي قادامدار جاساۋ ارقىلى، پوليسيا بەينەسى مەملەكەتتىك كۇشتىك قۇرىلىمنان بىرتە-بىرتە قاۋىپسىزدىكتى قامتاماسىز ەتۋ ءۇشىن ازاماتتارعا قىزمەت كورسەتەتىن ورگانعا اينالادى دەگەن ويدامىز.

ەندەشە، فرونت-وفيس قىزمەتىنە ساتتىلىك تىلەيمىن! ىسكە ءسات،-دەدى.

وسى سالادان زەينەتكەرلىككە شىققان، ارداگەرلەر كەڭەسىنىڭ ءتورايىمى جۇماكۇل شاكيروۆا دا سوزىندە بۇل ءوفيستىڭ ق ر ىشكى ىستەر ءمينيسترىنىڭ نۇسقاۋىنا سايكەس، سونداي-اق،اۋدان اكىمىنىڭ ەلەۋلى كورسەتكەن قولداۋى ارقاسىندا وسى يگىلىكتى ىستەر جۇزەگە اسىپ، پوليسيا قىزمەتىنىڭ حالىققا قول جەتىمدىلىگى ارتا تۇسەتىن بولادى.

ەڭ باستىسى فرونت-وفيس قىزمەتكەرلەرى حالىقپەن تىكەلەي جۇمىس جاساعاندىقتان، ولاردىڭ وتىنىشتەرىن قاراۋ مەرزىمدەرى قىسقارادى، پوليسيانىڭ اشىقتىعى مەن قول جەتىمدىگى قامتاماسىز ەتىلەدى،-دەي كەلە قولداۋ كورسەتكەن اۋدان باسشىلىعىنا العىسىن جەتكىزدى.

سالتاناتتى شارا اۋدان اكىمى قاناتبەك مادىبەكتىڭ قاتىسۋىمەن اۋداندىق پوليسيا ءبولىمىنىڭ باستىعى، پوليسيا پولكوۆنيگى قايرات قاپاروۆتىڭ ءفرونت-وفيسىنىڭ جۇمىسىن تانىستىرۋىمەن جالعاسىن تاپتى.