جامبىل وبلىسى «Nur Otan» پارتياسى بايزاق اۋداندىق فيليالىنىڭ عيماراتىندا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ قازاقستان حالقىنا ارناعان «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» تاقىرىبىنداعى جولداۋىن ناسيحاتتاۋ جانە ءتۇسىندىرۋ بويىنشا وبلىستىق اقپاراتتىق توپ مۇشەلەرى اۋدان تۇرعىندارىمەن جيىن وتكىزدى دەپ جازادى Qamshy.kz اقپارات اگەنتتىگى .

جيىندا الدىمەن بايانداما جاساعان جامبىل وبلىسى اكىمدىگى ىشكى ساياسات ءبولىمىنىڭ ءموبيلدى توبىنىڭ مۇشەسى، ارداگەرلەر قوعامىنىڭ بەلسەندى مۇشەسى كانال بەردەنوۆ جيىننىڭ ماقساتىنا توقتالىپ، وسى جولداۋ مەملەكەتتىڭ وركەندەۋىنە نەگىز قالايتىنىن ايتا كەلە، ونىڭ ىشىندە، دامۋعا جول اشاتىن باسىم باعىتتارعا كەڭىنەن توقتالدى. اتاپ ايتقاندا، جولداۋدا ارنايى باسىمدىق رەتىندە جۇزەگە اسۋى ءتيىس 5 مىندەتتى، ياعني، “زامان تالابىنا ساي ءتيىمدى مەملەكەت”، “ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ”، “قارقىندى دامىعان جانە ينكليۋزيۆتى ەكونوميكا”، “الەۋمەتتىك جاڭعىرۋدىڭ جاڭا كەزەڭى”، “قۋاتتى وڭىرلەر – قۋاتتى ەل” باعىتتارىن تانىستىرىپ، ولاردىڭ اربىرىنە كەڭىنەن نازار اۋداردى. ءوز كەزەگىندە ءسوز العان اۋداندىق ارداگەرلەر كەڭەسى الەۋمەتتىك ماسەلەلەر جونىندەگى كوميسسياسىنىڭ ءتوراعاسى، اۋداندىق ارداگەرلەر كەڭەسىنىڭ مۇشەسى، مەدياتور سەرىك بالابەكوۆ بىرىنشىدەن – ءوسىپ كەلە جاتقان ۇرپاقتى تاربيەلەۋدەن باستاۋ كەرەكتىگىن، ەكىنشىدەن – حالىقتىڭ ۇكىمەتكە دەگەن كوزقاراسى مەن پىكىرىن وزگەرتۋ كەرەكتىگىن ايتىپ، جاستاردى زامانعا ساي تاربيەلەپ، جولداۋدى تەك وقىپ قانا قويماي، بەلسەندى جۇمىس جاساۋ ابزال ەكەندىگىن جەتكىزدى. ودان سوڭ ءسوز العان اۋداندىق ارداگەرلەر كەڭەسىنىڭ ءتوراعاسى كەمەلبەك بەسپايەۆ «مەملەكەتىمىزدىڭ دامۋى ءۇشىن ەڭ ءبىرىنشى اۋىلدىق جەرلەرگە ءمان بەرىپ، اۋىل شارۋاشىلىعىن دامىتۋ قاجەت»،- دەگەن ويىن ورتاعا سالدى. ارمەن قاراي، وبلىس اكىمدىگى ىشكى ساياسات ءبولىمىنىڭ ءموبيلدى توبىنىڭ مۇشەسى، قازاقستان رەسپۋبليكاسى جازۋشىلار وداعىنىڭ مۇشەسى، دراماتۋرگ ەلەن ءالىمجان ءسوز الدى. ول ەلباسى نۇرسۇلتان ءابىش ۇلى نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا مەملەكەتىمىزدە اتقارىلعان جۇمىستاردى مىسالعا الا وتىرىپ، پرەزيدەنت قاسىم-جومارت كەمەل ۇلىنىڭ جاريالاعان جولداۋىنىڭ تولىعىمەن ورىندالۋى ءۇشىن ۇلتتىق بولمىسىمىزدى ساقتاۋىمىز كەرەكتىگىن العا تارتتى. وزگە مەملەكەتتەردى مىسال رەتىندە كەلتىرىپ، جولداۋدا ەلىمىزدىڭ الدىنا قويىلعان مىندەتتەردى ورىنداۋ باستى ماقسات ەكەندىگىن جانە وسى ماقساتقا جەتۋ ءۇشىن ايانباي جۇمىلا ۇلەس قوسىپ، ەڭبەك ەتۋ كەرەكتىگىن جەتكىزدى. جيىن بارىسىندا سۋحانبايەۆ اۋىلدىق وكرۋگى جاستار ىستەرى جونىندەگى اعا ينسپەكتورى ەرعالي نۇرعوجايەۆ سىبايلاس جەمقورلىق ماسەلەسىنە قاتىستى پىكىرىن ءبىلدىرىپ، وسى دەرتتىڭ بارلىق سالالارعا كەدەرگى ەكەندىگىنە توقتالدى.

بۇدان كەيىن، اتالمىش كەزدەسۋ عاني مۇراتبايەۆ اتىنداعى گيمنازياسىندا جالعاستى. جيىنعا پەداگوگتار، اتا-انالار مەن اۋدان تۇرعىندارى قاتىستى. كانال بەردەنوۆ جولداۋ بويىنشا بايانداما جاساپ، ءار باعىتقا جەكە

كوڭىل اۋداردى. سونىمەن قاتار، ۇكىمەتپەن كەرى بايلانىس ورناتۋ ءۇشىن، بىرلەسە وتىرىپ جۇمىس جاساۋدىڭ ماڭىزدىلىعىنا توقتالدى. اۋىل تۇرعىندارىنىڭ بۇگىندە جەكە بيزنەس باستاپ، ءوزىن-وزى جۇمىسپەن قامتىپ قانا قويماي، ۇكىمەتكە دە، حالىققا دا ءتيىمدى ءىستى جۇزەگە اسىراتىندىعىن باسا ايتتى. توپ مۇشەسى ەلەن ءالىمجان ءوز سوزىندە، مەملەكەتىمىزدىڭ باسەكەگە قابىلەتتى دامىعان 30 مەملەكەتتىڭ قاتارىنا كىرۋى ءۇشىن حالىقتىڭ سالماقتى ۇلەسى بار ەكەنىن، جاستاردىڭ وتانسۇيگىشتىگى مەن قالىپتاسىپ جاتقان تاربيەسىنىڭ ماڭىزدىلىعىنا توقتالىپ، جيىنعا قاتىسۋشىلاردى جولداۋ جۇكتەگەن مىندەتتەردى بىرگە، جۇمىلا اتقارۋعا شاقىردى. جيىن بارىسىندا اۋدان تۇرعىندارى ورىن الىپ جاتقان ميتينگىلەر مەن حالىقتىڭ نارازىلىعىن تۋىنداتىپ وتىرعان ماسەلەلەر، جۇمىسسىزدىق پەن جەمقورلىق، سونداي-اق، جەر ماسەلەلەرىنە بايلانىستى پىكىرلەرىمەن ءبولىستى.