جامبىل وبلىسى شۋ اۋدانىنداعى شوقپار اۋىلى ەڭ جاقىن ماڭداعى ءورت ءسوندىرۋ بولىمىنەن 85 شاقىرىم جەردە ورنالاسقان. وسى سەبەپتى ەلدى مەكەندە ءورت ءسوندىرۋ بەكەتىن قۇرۋ قاجەتتىلىگى بارى جايىندا ايتىلىپ كەلە جاتقانىنا ءبىرشاما ۋاقىت بولعان-دى دەپ جازادى Qamshy.kz اقپارات اگەنتتىگى.

ناتيجەسىندە، ماسەلەنى شەشۋدىڭ ءار ءتۇرلى نۇسقالارى اۋىلدىق جانە اۋداندىق اكىمشىلىكتەر دەڭگەيىندە قاراستىرىلىپ، بەكەت قۇرۋ ءىسىن كەزەڭ-كەزەڭمەن جۇزەگە اسىرۋ تۋرالى شەشىم قابىلداندى.

وسىلايشا، بەكەتتى ۇستاۋ ءۇشىن اۋدان بيۋدجەتىنەن 2 ملن. 188 مىڭ تەڭگە ءبولىندى. اتالعان بەكەت جەتى شتاتتىق قىزمەتكەرلەرمەن جاساقتالعان، ونىڭ ىشىندە 4 جۇرگىزۋشى جانە 3 ءورت ءسوندىرۋشى بار. ولاردى ورت-تەحنيكالىق قۇرال-جابدىقتارمەن جابدىقتاۋ ءۇشىن 800 مىڭ تەڭگە ءبولىندى. ءورت ءسوندىرۋ بەكەتى «قتج ۇك» اق فيليالى پچ شۋ -50 مەكەمەسىنىڭ عيماراتىندا ورنالاسقان. وندا دەمالۋ بولمەسى، تەلەفون بايلانىسىمەن قامتاماسىز ەتىلگەن ديسپەچەرلىك بولمە جانە ءورت ءسوندىرۋ اۆتوموبيلىنە ارنالعان جىلى بوكس بار.

جۋىردا، بەكەتتىڭ قۇرىلۋ جانە جاساقتالۋ جۇمىستارى مارەسىنە جەتكەن سوڭ، ءورت ءسوندىرۋ بەكەتىنىڭ اشىلۋ سالتاناتى ءوتتى. جاڭا ءورت ءسوندىرۋ بەكەتىنىڭ اشىلۋ ءىس-شارالارىنا شۋ اۋدانى اكىمىنىڭ ورىنباسارى نۇرلان جاقسىبايەۆ، شوقپار اۋىلدىق وكرۋگى اكىمى راشيد شومبايەۆ، جامبىل وبلىسى تج دەپارتامەنتىنىڭ شۋ اۋدانى تج ءبولىمى مەن ءوسب قىزمەتكەرلەرى، سونداي-اق شوقپار اۋىلىنىڭ تۇرعىندارى قاتىستى.

جاڭادان قۇرىلعان ءورت ءسوندىرۋ بەكەتىنىڭ كومانداسى ءورت وشاقتارىنا شىعىپ قانا قويماي، ولاردىڭ جاۋاپكەرشىلىك ايماعىندا بولىپ جاتقان باسقا دا توتەنشە جاعدايلاردى جويۋعا قاتىسادى. قيىن جاعدايعا تاپ بولعان ادامدارعا كومەك كورسەتەدى، سونداي-اق الدىن الۋ جۇمىستارىمەن اينالىسادى.

ءورت ءسوندىرۋ بەكەتىنىڭ جاۋاپكەرشىلىك ايماعىندا 20 شاقىرىم راديۋستا 3 مىڭنان استام تۇرعىنى بار 3 ەلدى مەكەن ورنالاسقان. سونداي-اق شوقپار تەمىر جول ستانسياسى جانە تەمىر جول كولىگىنىڭ باسقا دا وبەكتىلەرى بار.

وبلىستىق تجد شۋ اۋدانى توتەنشە جاعدايلار ءبولىمى مەن ءورت ءسوندىرۋ ءبولىمى قىزمەتكەرلەرى بەكەتىنىڭ اشىلۋ سالتاناتى اياقتالعاننان كەيىن ءورت ءسوندىرۋ بەكەتىنىڭ جەكە قۇرامىمەن شارتتى ءورتتى ءسوندىرۋ بويىنشا تەوريالىق جانە پراكتيكالىق ساباقتار وتكىزدى، جاتتىعۋلار بارىسىندا ولاردىڭ ءورت كەزىندەگى ىس-ارەكەتتەرى، ءورت كەزىندە ءورت اۆتوكولىگىنەن سۋ بەرۋ جانە سۋ كوزدەرىنەن سۋ الۋ امالدارى پىسىقتالدى.

ءورت بەكەتىنىڭ ءبىرىنشى كۇنىنەن باستاپ بەكەت جاساقتارى تۇرعىن ۇيدە ورىن العان ءورتتى سوندىرۋگە شىقتى، وندا 100 تۇك ءشوپ جانۋى ورىن العان. جاڭادان جاساقتالعان ءورت بەكەتىنىڭ قىزمەتكەرلەرى تاپسىرمانى ورتكە بارۋ ۋاقىتىن قوسا العاندا 25 مينۋت ارالىعىندا ويداعىداي اياقتادى.