ەلباسىمىز ن.ءا.نازاربايەۆتىڭ ءبىلىم سالاسىن دامىتۋعا دەگەن ەرەكشە قامقورلىعىنىڭ ارقاسىندا ءبىلىم بەرۋ جۇيەسىندەگى ماڭىزدى ماسەلەلەر دەر كەزىندە شەشىمىن تابۋدا. جاسالعان جاعدايلار ناتيجەسىندە وتكەن وقۋ جىلىندا كوپتەگەن جەتىستىكتەرگە قول جەتكىزىلدى. ماسەلەن جامبىل وبلىسى مويىنقۇم اۋدانىندا 2019-2020 وقۋ جىلىندا بارلىعى 986 ءمۇعالىمنىڭ 523-ى جوعارى جانە ءبىرىنشى ساناتتى ۇستازدار تىزىمىنە ەندى. جاڭا اتتەستاتتاۋ جۇيەسىنە سايكەس 80 پەداگوگ-زەرتتەۋشى، 114 پەداگوگ-ساراپشى بىلىكتىلىگىن الدى، دەپ جازادى Qamshy.kz اقپارات اگەنتتىگى. 

2019-2020 وقۋ جىلىندا 4، 9،10 سىنىپتار جاڭارتىلعان ءبىلىم مازمۇنىنا كوشتى. دەمەك، ءمۇعالىم بالالاردى وسى جاڭارتىلعان ءبىلىم مازمۇنىنا كوشۋگە دايىنداۋ كەرەك. ونىڭ ءبىر جولى – ءبىلىم الۋشى قىزمەتىن جانداندىرۋ تاسىلدەرىن پايدالانۋ، ولارعا بارىنشا دەربەستىك بەرۋ. جاڭارتىلعان ءبىلىم بەرۋ مازمۇنى بويىنشا 612 پەداگوگ بىلىكتىلىگىن ارتتىرۋ كۋرستارىنان ءوتتى.اۋداندا وبلىستىق، رەسپۋبليكالىق بايقاۋلارعا، عىلىمي جوبالارعا، وليمپيادالارعا قاتىسىپ، جۇلدەلى ورىنعا يە بولعان ۇستازداردىڭ ەڭبەگىن ماقتانىشپەن ايتۋعا بولادى. ولاردىڭ قاتارىندا حح وبلىستىق اباي وقۋلارىنا جامبىل مەكتەپ-گيمنازياسىنىڭ 6 سىنىپ وقۋشىسى ءشامىل نەسىپباي قاتىسىپ، 2-ورىندى يەلەندى. ءپان ءمۇعالىمى ءاليا ساۋرىقوۆا دايىنداۋدا قوسقان ەلەۋلى ۇلەسى ءۇشىن العىس حاتپەن ماراپاتتالدى.قازاق ءتىلى مەن ادەبيەتى ءپانى بويىنشا وتكىزىلگەن رەسپۋبليكالىق «التىن توبىلعى» زياتكەرلىك وليمپياداسىنا اۋداننان 50 وقۋشى قاتىسىپ، 6 وقۋشى 1-ورىندى يەلەندى. ءپان مۇعالىمدەرى سۆەتلانا وسپانوۆا (م.جۇمابايەۆ ات. م-ل)، التىناي قالىمبەتوۆا (م.جۇمابايەۆ ات. م-ل)، ايدانا تاحانوۆا (ك.قاسىموۆ ات. و/م)، تولقىن تلەۋلييەۆا (ت.رىسقۇلوۆ ات. ت/م)، نازگۇل جۇپبايەۆا (ق.رىسقۇلبەكوۆ و/م)، دالميرا داۋرەنبەكوۆا (ب.مومىش ۇلى و/م). وبلىستىق «ەڭ ۇزدىك مەكتەپالدى دايارلىق پەداگوگى» مەكتەپالدى دايارلىق پەداگوگتارىنىڭ كاسىبي بەدەلىن ارتتىرۋ جانە جاس مامانعا قولداۋ كورسەتۋ،ۇزدىك پەداگوگيكالىق تاجىريبەلەردى ناسيحاتتاۋ بارىسىندا ءا.مولداعۇلوۆا اتىنداعى نەگىزگى مەكتەبىنىڭ پەداگوگى تاڭشولپان اۋكەن ءىىى-ورىندى يەلەندى.

بۇل اۋدان جاستارىنىڭ جەڭىسىنىڭ ءبىر پاراسى عانا. الداعى ۋاقىتتا مويىنقۇمدىق جاستار بۇدان دا بيىك بەلەستەرگە جەتەتىنىنە سەنىمدىمىز. سەبەبى توقپاعى مىقتى بولسا، كيىز قازىق جەرگە كىرەتىنىن ۇمىتپاعان ءجون. بۇل ورايدى مويىنقۇمدىق مۇعالىمدەردىڭ دە بىلىگى مەن ءبىلىمى جوعارى ەكەنى حاق.