بۇگىندە بۇقارانىڭ قاۋىپسىزدىگى باستى ورىندا تۇرعانى بەلگىلى. اسىرەسە توتەنشە جاعدايلار كەزىندە سالا قىزمەتكەرلەرىنىڭ قىراعىلىعى عانا ادام ومىرىنە اراشا تۇسە الادى. سوندىقتاندا قۇتقارۋشىلاردىڭ موينىنا ارتىلعان جاۋىپكەرشىلىك جۇگى اۋىر دەپ جازادى Qamshy.kz اقپارات اگەنتتىگى. جامبىل وبلىسى تج دەپارتامەنتىنىڭ قىزمەتكەرلەرى وبلىس اكىمىنىڭ ورىنباسارى نۇرجان ءسابيت ۇلى كالەندەروۆتىڭ توراعالىعىمەن دوستىق ۇيىندە كاسىپكەرلىك سۋبەكتىلەرىمەن مەملەكەتتىك باقىلاۋدى جانە قاداعالاۋدى جۇزەگە اسىرۋ جانە بيزنەس-قوعامداستىقپەن كەرى بايلانىستى قالىپتاستىرۋ، باقىلاۋ جانە قاداعالاۋ ورگاندارىمەن تالقىلاۋ بويىنشا وتكىزىلگەن ەسەپ كۇنىنە قاتىستى .

اتالعان كەزدەسۋ باقىلاۋ-قاداعالاۋ قىزمەتىنىڭ رەفورماسىن ىسكە اسىرۋ شەڭبەرىندە مەملەكەتتىك باقىلاۋ جانە قاداعالاۋ ماسەلەلەرى بويىنشا زاڭنامانىڭ مىندەتتى تالاپتارىن ءتۇسىندىرۋ جانە بۇزۋشىلىقتاردى جۇيەلى الدىن الۋدى دامىتۋ، تۇراقتى جانە ءقاۋىپسىز قىزمەتتى جۇزەگە اسىرۋ ءۇشىن كاسىپكەرلەر مەن ۇيىمداردىڭ قۇقىقتىق ساۋاتتىلىق دەڭگەيىن ارتتىرۋ ماقساتىندا وتكىزىلدى.

وتكىزىلگەن كەزدەسۋدە وبلىستىڭ بارلىق مەملەكەتتىك باقىلاۋ جانە قاداعالاۋ ورگاندارىنىڭ ەسەپتەرى، ونىڭ ىشىندە ءورت قاۋىپسىزدىگى جانە ازاماتتىق قورعانىس سالاسىنداعى باقىلاۋ قىزمەتىنىڭ ەسەپتەرى تىڭدالدى.

ءوز سوزدەرىندە ءزىلزالالار قاۋىپ-قاتەرىن ازايتۋ جانە ازاماتتىق قورعاۋ سالاسىنداعى باقىلاۋ باسقارماسىنىڭ باستىعى ماقسات اكىمبايەۆ پەن ازاماتتىق قورعانىس ءبولىمىنىڭ باستىعى اسەت ماناسوۆ مەملەكەتتىك ءورت باقىلاۋ جانە ازاماتتىق قورعانىس ءىس-شارالارىن باقىلاۋ ءتارتىبىن، سونداي-اق وسى سالالارداعى تەكسەرۋلەردى ۇيىمداستىرۋ جانە جۇرگىزۋ ءۇشىن بارلىق قۇقىقتىق نەگىزدەردى ءتۇسىندىردى.

ءبىر ساعات ىشىندە كەزدەسۋگە قاتىسۋشىلار كاسىپكەرلىك سۋبەكتىلەرىنىڭ تۋىنداعان سۇراقتارىنا ءتيىستى جاۋاپتار بەردى.

سول كۇنى كەزدەسۋدى وتكىزۋ بويىنشا تۇسىرىلگەن سيۋجەتتەر جەرگىلىكتى تەلەديدار ارنالارىندا كورسەتىلدى.

ءيا، مۇنداي شارالاردىڭ بۇقارا ءۇشىن بەرەرى مول. سەبەبى قۇقىقتى مەملەكەتتە ءوز قۇقىعى مەن بوستاندىعىن بىلەتىن حالىق عانا ەگەمەندىكتىڭ باعاسىن، تاۋەلسىزدىكتىڭ قۇنىن تۇسىنەدى. وسىنى جۇرتشىلىقتىڭ جادىنا جاتتاتۋ ماقساتىندا ۇيىمداستىرىلىپ جاتقان شارالاردىڭ تيگىزەر پايداسى وراسان. مۇنداي قادامعا توتەنشە جاعدايلار دەپارتامەنتىنىڭ ماماندارى دا ءۇن قوسىپ، جۇدىرىقشا جۇمىلىپ وتىرعاندارى قۋانتادى.