بۇگىندە بۇقارالىق سپورتتى دامىتۋ باعىتىندا جامبىل وبلىسىندا اۋقىمدى تىرلىكتەر اتقارىلۋدا. وعان دالەل سوڭعى بەس جىلدىڭ بەدەرىندە ەلگە ەسىگىن ايقارا اشىپ جاتقان سپورت نىساندارىنىڭ سانى ەسەلەپ ارتسا، وندا شىنىعىپ جاتقان تۇرعىنداردىڭ سانى تاعى وسۋدە. سوڭعى ستاتيستيكالىق مالىمەتكە سۇيەنسەك بيىل بۇقارالىق سپورتتى جانىنا سەرىك ەتكەن جامبىلدىقتاردىڭ ۇلەسى 29،9 پايىزدىق مەجەنى دىتتەپ وتىر. بۇل دەگەنىڭىز ەلباسى نۇرسۇلتان ءابىش ۇلى نازاربايەۆ بەلگىلەگەن مىندەتتى اۋليەاتالىقتار ءمىنسىز ورىنداپ جاتىر دەگەن ءسوز، دەپ جازادى Qamshy.kz اقپارات اگەنتتىگى. وسىناۋ يگىلىكتىڭ جالعاسى رەتىندە وبلىس اكىمدىگى جاستار ساياساتى ماسەلەلەرى مەن دەنە شىنىقتىرۋ جانە سپورت باسقارمالارىنىڭ ۇيىمداستىرۋىمەن حالىقارالىق ستۋدەنتتەر كۇنىنە وراي تاراز قالاسىندا سپورتتىق مارافون ءوتتى. «ستۋدەنت FEST» اتاۋىمەن تۇندىگىن تۇرگەن جارىسقا جوعارى جانە ارناۋى وقۋ ورىندارىنان 200 - دەن اسا بىلىمگەر قاتىسىپ، ءوزارا ب ا ق سىنادى.

سپورتتىق شارانى دەنە شىنىقتىرۋ جانە سپورت باسقارماسىنىڭ باسشىسى نۇربول جۇنىسبەكوۆ اشىپ، حالىقارالىق ستەدەنتتەر كۇنىمەن كوپشىلىكتى قۇتتىقتاي كەلە، جارىسقا قاتىسۋشىلارعا ساتتىلىك تىلەدى . بۇدان كەيىن دودانىڭ باس تورەشىسى تاحير ماماشايەۆ مارافوننىڭ ءتارتى مەن ەرەجەسىن ءتۇسىندىرىپ ءوتتى.

بەلگىلەنگەن ءتارتىپ بويىنشا مارافونشىلارعا «نۇرسۇلتان نازاربايەۆ» اتىنداعى الاڭنان باستاپ، ق ر تۇڭعىش پرەزيدەنتى ساياباعىنا دەيىن جۇگىرىپ ءوتۋ تالابى قويىلدى.

جالپى مارافونعا قاتىسۋشىلاردىڭ قاراسى قالىڭ بولدى. جانە جۇگىرۋشىلەردىڭ اراسىندا جاستاردىڭ ۇلەسى باسىم بولعانى قۋانتتى. سونداي-اق بۇقارالىق سپورتتى جانىنا سەرىك ەتكەن اعا بۋىن ۇلكەندەردىڭ دە مارافوننان بوي كورسەتۋى كەيىنگىلەرگە ۇلگى-ونەگە بولعانى حاق.

جارىستىڭ قورىتىندىسىندا م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ ستۋدەنتى يلحام ەركەبايەۆ مارە سىزىعىن ءبىرىنشى بولىپ كەسىپ وتسە تارمۋ –دىڭ ستۋدەنتى قازىم جامالوۆ جۇلدەلى ەكىنشى ورىنعا تابان تىرەدى. ۇزدىك ۇشتىكتەن اتالعان ۋنيۆەرسيتەتتىڭ ستۋدەنتى رۋفينا فازىلحانوۆا كورىندى.

وسىلايشا جۇلدەلى ءۇش ورىندى دا تارمۋ-دىڭ ستۋدەنتتەرى يەلەنىپ، تالايدى تاڭقالدىردى.

ارينە مۇنداي بۇقارالىق سپورتتىق شارالار تۇرعىنداردى سالاماتتى ءومىر سالتىن قالىپتاستىرۋعا ۇندەيتىنى اقيقات. وعان قوسا، ۇلكەن بۋىن اعالاردىڭ دا سپورتتى جانىنا سەرىك ەتىپ، «تاراز-ارەنا» سپورت كەشەنىندە شىنىعىپ، ساياباقتار مەن سكۆەرلەردە جۇگىرىپ جۇرگەنىن كوز كورۋدە. بۇل بىرەر جىلدا تۇتاس تارازدىقتار مەن الىستاعى اۋىل اعايىندارى دا سپورتى ءومىرىنىڭ ءبىر بولىگى دەپ كورەدى دەگەن ءسوز. ەندەشە سول كۇندى كورۋدى جازسىن.