جاستاردى بۇقارالىق سپورتقا تارتۋ باعىتىندا بۇگىندە ەلىمىزدە از جۇمىستار جاسالىپ جاتقان جوق. ەسەسىنە مەملەكەتىمىزدىڭ اتىن الەمدىك ارەنالاردا اسقاقتاتىپ، كوك بايراعىمىزدى بيىكتەتىپ جۇرگەن جامپوزدارىمىز دا بارشىلىق. دەسە دە، ءاربىر تاربيە ەڭ ءبىرىنشى تۋعان توپىراق، وتباسىنان باستالاتىنى بەلگىلى. سوندىقتاندا جامبىل وبلىسىنداعى ەلدى مەكەندەردە جاستاردى سالاۋاتتى ءومىر سالتىنا دارىپتەۋ ماقساتىندا ءتۇرلى جارىستار ۇيىمداستىرىلۋدا، دەپ جازادى Qamshy.kz اقپارات اگەنتتىگى.  تالاس اۋدانى اكىمدىگى ىشكى ساياسات ءبولىمىنىڭ الەۋمەتتىك تاپسىرىسى شەڭبەرىندە «تالاس عۇمىرى» جاستار قوعامدىق بىرلەستىگىنىڭ ۇيىمداستىرۋىمەن «2019 جىل-جاستار جىلى» اياسىندا كەشەندى ءىس-شارالار ۇيىمداستىرۋ» تاقىرىبى اياسىندا «سەگىز قىرلى، ءبىر سىرلى» اتتى توعىزقۇمالاقتان جارىس ءوتتى.

تالاس اۋدانى اكىمدىگى ىشكى ساياسات ءبولىمىنىڭ الەۋمەتتىك تاپسىرىسى شەڭبەرىندە «تالاس عۇمىرى» جاستار قوعامدىق بىرلەستىگىنىڭ ۇيىمداستىرۋىمەن «2019 جىل-جاستار جىلى» اياسىندا كەشەندى ءىس-شارالار ۇيىمداستىرۋ» تاقىرىبى اياسىندا «سەگىز قىرلى، ءبىر سىرلى» اتتى توعىزقۇمالاقتان اۋداندىق دودا «جۇلدىز» اۋلا جانە بالالار مەن جاسوسپىرىمدەر دەنە شىنىقتىرۋ سپورت كلۋبىندا تۇندىگىن ءتۇردى.

جارىسقا احمەت بايتۇرسىن ۇلى اتىنداعى گيمنازيا، №1 مەكتەپ ليسەي، ساكەن سەيفۋللين اتىنداعى ورتا مەكتەپتىڭ جانە «ءۇمىت» قيمىل – تىرەك اپپاراتى بۇزىلعان بالالارعا ارنالعان ارنايى مەكتەپ – ينتەرناتىنىڭ» وقۋشىلارى قاتىستى. ۇلدار اراسىندا ءبىرىنشى ورىندى ابدۋالييەۆ ەرسىن، ەكىنشى ورىندى قوسىلعان يسلام يەلەنسە، ءۇشىنشى ورىندى كوكتال ماۋلەن يەلەندى. ال، قىزدار اراسىندا ءبىرىنشى ورىندى يمانبەكوۆا شولپان، ەكىنشى ورىنعا بەيبىت اياجان تابان تىرەسە، ءۇشىنشى ورىنعا جاكسىلىك ارۋجان تابان تىرەدى. بارلىق جەڭىمپازدارعا باعالى سىيلىقتار مەن ديپلومدار تابىس ەتىلدى.

شىندىعىنا كەلگەندە بۇگىندە تالاستىق جاستاردىڭ تالپىنىسى كوز قۋانتادى. نەگە دەسەڭىز، قازىنالى قاراتاۋ توپىراعىنان نەبىر دۇلدۇلدەر مەن ءاپايتوس بالۋاندار، جۇدىرىعى جويقىن بوكسشىلار مەن جەلاياق جەڭىل اتلەتشىلەر شىققان. وعان بۇگىندە تاريح دالەل. قازىرگى تاڭدا دا تالاس اۋدانىنىڭ نامىسىن حالىقارالىق دودادالاردا ابىرويمەن قورعاپ جۇرگەن سپورتشىلار از ەمەس. ول ەلدىڭ ەرتەڭى، باياندى بولاشىعىمىزدى، سپورتتىق دەرجاۆا دەگەن ابىرويلى بەدەلىمىزدىڭ كەپىلى ەكەنى انىق. سوندىقتان تالاستىق جاستاردىڭ جۇلدىزى اركەز بيىك بولسىن دەپ تىلەيمىز.