نارىقتىق ەكونوميكا كەزەڭىندە كاسىپكەرلىكتى دامىتۋعا دەن قويماسا بولمايدى. سوندىقتان دا مەملەكەت تاراپىنا اۋىل شارۋاشىلىعىن العا باستىرىپ، شاعىن جانە ورتا كاسىپكەرلىكتى ورىستەتۋگە كوپتەپ كوڭىل بولىنۋدە. بۇل باعىتتا بۇرىننان قالىپتاسقان باي تاجىريبە بار. ويتكەنى، ەلباسى ازاتتىقتىڭ العاشقى جىلدارىنان «اۋەلى ەكونوميكا، سونان سوڭ ساياسات» دەگەن قاعيدامەن دامۋدىڭ داڭعىل جولىن كورسەتىپ بەردى. ال مەملەكەت باسشىسى ق.توقايەۆتىڭ قازاقستان حالقىنا العاشقى جولداۋىندا بەرگەن تىڭ تارسىرمالارىنان كەيىن بۇل باعىتتاعى جۇمىستار تىپتەن قارقىن الا ءتۇستى.

قازىرگى تاڭدا جامبىل وبلىسىندا اگروسەكتور دا، بيزنەس سالاسى دا بۇرىنعىداي الدەقايدا دامىپ كەلەدى. مىسالى، بيىلعى قاڭتار-تامىز ايلارىندا ايماق بويىنشا

اۋىل شارۋاشىلىعىندا 131،8 ميلليارد تەڭگەنىڭ ءونىمى ءوندىرىلىپ، ءوسىم 3،9 پايىزدى قۇرادى. بۇل رەسپۋبليكا وڭىرلەرى ارالىعىنداعى بەسشى وڭ كورسەتكىش.

مال شارۋاشالىعىندا ەت ءوندىرىسى – 3،6 پايىزعا، ءسۇت ءوندىرىسى – 2،9 پايىزعا، جۇمىرتقا ءوندىرىسى – 6،5 پايىزعا ارتتى.

وتكەن جىلى رەسپۋبليكا بويىنشا ەكسپورتتالعان قوي ەتىنىڭ 43 پايىزى، ياعني 1،6 مىڭ توننا وبلىسقا تيەسىلى بولعان. بيىل بۇل مەجە كوبەيتىلىپ، 8 ايدىڭ قورىتىندىسىمەن 718،5 توننا ەكسپورتتالدى.

وسىمدىك شارۋاشىلىعىندا اۋىل شارۋاشىلىعى داقىلدارى 687،2 مىڭ گەكتارعا ورنالاستىرىلىپ، وتكەن جىلمەن سالىستىرعاندا 25 مىڭ گەكتارعا نەمەسە 2،7 پايىزعا ارتتى.

سۋارمالى جەرلەردى كوبەيتۋ ءۇشىن وتكەن جىلى قۇرىلعان مەحوترياد 62 شاقىرىم كانالداردى تازالاپ 4 713 گەكتاردى قالپىنا كەلتىردى.

وسىنىڭ ەسەبىنەن، كوكونىس-باقشا، كارتوپ جانە ءداندى داقىلدارىنا باسىمدىق بەرىلىپ، كولەمى ۇلعايتىلدى.

جالپى، وبلىستا اگروونەركاسىپ كەشەنىن قولداۋعا 2019 جىلى 14،6 ملرد. تەڭگە سۋبسيديا قاراستىرىلعان. ونىڭ ىشىندە رەسپۋبليكالىق بيۋدجەتتەن – 5،9 ملرد. تەڭگە، وبلىستىق بيۋدجەتتەن – 8،7 ملرد تەڭگە بولىنگەن. 2019 جىلعى 1 قىركۇيەكتەگى مالىمەت بويىنشا 8،0 ملرد. تەڭگە بيۋدجەتتىك قاراجات يگەرىلدى،

سونداي-اق وبلىستا شاعىن جانە ورتا كاسىپكەرلىك سالاسىندا جۇمىس ىستەيتىن سۋبەكتىلەر سانى 70،1 مىڭ بىرلىكتى نەمەسە 2018 جىلدىڭ ءتيىستى كەزەڭىنە 111،8 پايىزدى قۇرادى.

"بيزنەستىڭ جول كارتاسى-2020" بيزنەستى قولداۋ مەن دامىتۋدىڭ مەملەكەتتىك باعدارلاماسىن ىسكە اسىرۋعا 2019 جىلى 1777،3 ملن. تەڭگە ءبولىنىپ، ۇلكەن قولداۋ كورسەتىلۋدە. اعىمداعى جىلعى 1 قىركۇيەكتەگى مالىمەت بويىنشا 1688،8 ميلليون تەڭگە يگەرىلگەن.