اعىمداعى جىل باسىنان ۋاقىتىلى قابىلدانعان شارالاردىڭ ناتيجەسىندە جامبىل وبلىسىندا ەكونوميكانىڭ بارلىق سالالارىندا ءوسۋ ءۇردىسى بايقالۋدا. بۇل ارينە، ەلباسىنىڭ جانە مەملەكەت باسشىسىنىڭ تاپسىرماسىمەن جۇزەگە اسىپ جاتقان مەملەكەتتىك باعدارلامالاردىڭ تيگىزىپ جاتقان شاراپاتى مول.

وبلىس اكىمدىگى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى گۇلدانا جاۋىنبەكوۆانىڭ ايتۋىنشا، بيىلعى جىلدىڭ العاشقى ايلارىنىڭ وزىندە جالپى وڭىرلىك ءونىم كولەمى 301،4 ميلليارد تەڭگەنى قۇراپ، 2،4 پايىزعا وسكەن. ال قىسقا مەرزىمدى ەكونوميكالىق ينديكاتور 103،8 پايىزدى قۇرادى.

-ەسەپتى كەزەڭدە ونەركاسىپ سالاسىندا وتكەن جىلدىڭ ءتيىستى كەزەڭىمەن سالىستىرعاندا 4،3 پايىزعا ءوسىم بار. ياعني، 308،7 ميلليارد تەڭگە كولەمىندە.

ونەركاسىپ سالاسىنداعى ءوسىم تاۋ-كەن ونەركاسىبىندە ءوندىرىس كولەمىنىڭ – 1،5 پايىزعا، وڭدەۋ ونەركاسىبىندە – 5،7 پايىزعا، ەلەكترمەن جابدىقتاۋ، گاز، بۋ بەرۋ جانە اۋا باپتاۋدا – 0،9 پايىزعا، سۋمەن جابدىقتاۋ، كارىز جۇيەسى، قالدىقتاردىڭ جينالۋىن جانە تاراتىلۋىن باقىلاۋدا – 10،8 پايىزعا ارتۋى ەسەبىنەن قامتاماسىز ەتىلىپ وتىر،-دەيدى باسقارما باسشىسى.

وسى سالاداعى وڭ ديناميكاعا يندۋستريالدى-يننوۆاسيالىق دامۋ مەملەكەتتىك باعدارلاماسى اياسىندا ىسكە قوسىلعان كاسىپورىندار دا ءوز ۇلەسىن قوسۋدا.

اعىمداعى جىلى 693 جاڭا جۇمىس ورنىن قۇرۋدى كوزدەيتىن جالپى قۇنى 11،9 ميلليارد تەڭگەگە 8 ينۆەستيسيالىق جوبا ىسكە اسىرىلۋدا. ونىڭ ەكەۋى ەكسپورتقا باعىتتالعان. اتاپ ايتقاندا «Bio Vit KZ» جاۋاپكەرشىلىگى شەكتەۋلى سەرىكتەستىگى GMP جانە GLP ستاندارتتارى بويىنشا ۆەتەريناريالىق پرەپاراتتاردى وندىرەتىن بيوكومبينات قۇرىلىسىن قولعا الۋدا. ال، («GREENWILL» جاۋاپكەرشىلىگى شەكتەۋلى سەرىكتەستىگى العاشقى اكۆوپونيكا تەحنولوگياسى نەگىزىندە سالات داقىلدارى مەن بالىقتى ءوندىرىپ وڭدەۋگە باسىمدىق بەرۋدە.

جىل باسىنان 1،1 ميلليارد تەڭگەگە 2 جوبا ىسكە قوسىلىپ، 17 جاڭا جۇمىس ورنى قۇرىلعان. ناقتىراق ايتقاندا «قورداي ءسۇت ونىمدەرى»، «GREENWILL» جاۋاپكەرشىلىگى شەكتەۋلى سەرىكتەستىكتەرى جاڭا جوبانى جانداندىرىپ، تىڭ باستاماعا تۇرەن سالىپ وتىر. مۇنىڭ بارلىعى دا ايماق ەكونوميكاسىنىڭ دامۋىنا وڭ سەپتىگىن تيگىزەتىن تىرلىكتەر. ويتكەنى، جاڭا جوبالار جۇزەگە اسسا، جۇمىس ورىندارى اشىلادى. الەۋمەتتىڭ الەۋەتى ارتىپ قانا قويماي، قازىنا قورجىنىنا تۇسەتىن سالىقتىق تۇسىمدەر دە كوبەيەدى.