اقتوبە وبلىسىندا وقۋشىلار ءۇشىن 3 مىڭ نوۋتبۋك ساتىپ الىنادى بۇل تۋرالى وبلىستىق ءماسليحاتتىڭ كەزەكتەن تىس 43 سەسسياسىندا ءمالىم بولدى.

الەۋمەتتىك وسال ساناتتاعى وتباسى بالالارى ءۇشىن وبلىستىق بيۋدجەتتەن 480 ملن تەڭگە بولىنەتىن بولادى. بۇل قاراجاتقا ءۇش مىڭ نوۋتبۋك ساتىپ الۋ جوسپاردا بار.

سونىمەن قاتار، تۋىنداعان جاعدايعا بايلانىستى حالىقتىڭ الەۋمەتتىك وسال توپتارىن قولداۋعا 890 ملن 680 مىڭ تەڭگە ءبولۋ جوسپارلاندى.

بۇل قارجىدان 44 مىڭ وتباسى 20 مىڭ تەڭگەدەن قوسىمشا كومەك الاتىن بولادى. توتەنشە جاعدايعا بايلانىستى ازىق-تۇلىك جانە ەڭ ءبىرىنشى قاجەت تاۋارلارمەن قامتاماسىز ەتۋ ءۇشىن ارنايى جوسپار قۇرىلىپ، وبلىستىق بيۋدجەتتەن 500 ملن تەڭگە ءبولىندى.

قاراجات قايتارىمدى نەگىزدە بولىنەتىن بولادى جانە ءبىرىنشى كەزەكتە الەۋمەتتىك ماڭىزى بار تاۋارلارعا باعانى تۇراقتاندىرۋعا باعىتتالادى. وبلىستا كوروناۆيرۋستىق ينفەكسيامەن كۇرەسۋ ءۇشىن ءبىرىنشى كەزەكتە قاجەتتى مەديسينالىق جابدىقتاردى ساتىپ الۋعا 529 ملن.تەڭگە ءبولۋ جوسپارلانىپ وتىر.