7 ساۋىردەن باستاپ الماتى قالاسىندا جۇرۋگە ارنالعان بارلىق وتكىزۋ قۇجاتتارى مەن انىقتامالاردىڭ كۇشى جويىلادى.
الماتى قالاسى اكىمدىگى جانىنداعى توتەنشە جاعداي رەجيمىن قامتاماسىز ەتۋ جونىندەگى جەدەل شتاب كارانتين كەزىندە جۇمىستى جالعاستىراتىن كاسىپورىنداردىڭ ەلەكتروندى دەرەكتەر بازاسىن قۇردى. بازاعا قالانىڭ تىنىس-تىرشىلىگىن قامتاماسىز ەتەتىن مەديسينا، قۇقىق قورعاۋ، كوممۋنالدىق قىزمەت، ب ا ق وكىلدەرى، تاكسي جانە جەتكىزۋ قىزمەتتەرى مەن مەملەكەتتىك ورگان قىزمەتكەرلەرى ەنگىزىلدى. اتالمىش ۇيىمداردان وتىنىمدەر 2 ساۋىرگە دەيىن قابىلداندى. مەكەمە باسشىلارى قىزمەتكەرلەرىنە 6 ساۋىرگە دەيىن جارامدى انىقتامالار بەردى.
سونىمەن قاتار، قالا تۇرعىندارى ءتۇرلى فورماتتاعى رۇقسات قاعازدارىن كورسەتكەن جاعدايلار جيىلەپ كەتتى. جەدەل شتاب ەشقانداي رۇقسات قاعازدار مەن ارنايى رۇقساتناما بەرىلمەيتىنىن رەسمي مالىمدەيدى. تەك ەلەكتروندى بازا عانا جۇمىس ىستەيدى. بۇگىنگى تاڭدا رۇقسات الۋعا ءوتىنىش جىبەرگەن بارلىق كاسىپكەرلەرگە رۇقسات بەرۋ نەمەسە دالەلدى باس تارتۋى بار ەلەكتروندىق حاتتار جىبەرىلدى.
دەرەكتەردى تولتىرۋ كەزىندەگى قاتەلەردىڭ كوپ بولۋىنا، بازادا جەكەلەگەن قىزمەتكەرلەر مەن اۆتوكولىكتەردىڭ بولۋى نەمەسە بولماۋىنا بايلانىستى كاسىپكەرلەر الماتى پوليسيا دەپارتامەنتى بايلانىس ورتالىعىنىڭ 254-4007 تەلەفونى ارقىلى نەمەسە business_stab@almatydc.kz ەلەكتروندىق پوشتاسى ارقىلى تەكسەرۋى كەرەك.
پىكىر قالدىرۋ