بارلىق ەلدەردىڭ سوتتارى كوروناۆيرۋستىڭ تارالۋ قاتەرى جاعدايىندا ءبىرقاتار الدىن الۋ شارالارىن قابىلدادى.

ولار جاڭا جاعدايلاردا جۇمىس ىستەۋدەگى ءوز تاجىريبەلەرىمەن CEPEJ حالىقارالىق ۇيىمىنىڭ ارنايى قۇرىلعان بلوگىندا ءبولىسىپ وتىرادى. قازاقستان وندا سوتتاردىڭ تولىعىمەن ونلاين جۇمىسقا كوشكەنىن، پروسەستەردىڭ كەيىنگە قالدىرىلعانىن جانە تاتۋلاستىرۋدى ناسيحاتتاۋ تۋرالى حابارلادى.

سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىسى نايل احمەتزاكيروۆ اتاپ وتكەندەي، بۇل شارالاردى ادامداردىڭ سوتتا قورعالۋىنا كونستيتۋسيالىق قۇقىقتى قامتاماسىز ەتۋ ءۇشىن جوعارعى سوت جانە ول باسقارىپ وتىرعان ۆەدومستۆو توتەنشە جاعداي كەزەڭىندە وزگە وبەكتىلەرگە، ونىڭ ىشىندە سوت عيماراتتارىنا بارۋ كارانتيندى بۇزۋمەن تەڭ دارەجەدە بولىپ وتىرعان كەزدە قابىلدادى. تج ەنگىزگەنگە دەيىن رەسپۋبليكا سوتتارىنىڭ ءىس جۇرگىزۋىندە 106 مىڭ ءىس پەن ماتەريال بولدى. بۇل پروسەستەرگە 326 مىڭ قاتىسۋشى تارتىلدى. ياعني كۇنىنە كەمىندە 3 مىڭ سوت وتىرىسى كەم دەگەندە 15 مىڭ ادامنىڭ قاتىسۋىمەن ءوتتى.

– تج كەزىندە ءبىزدىڭ ەلەكتروندى سوت ءىسىن جۇرگىزۋدى دامىتۋ دەڭگەيى ەمتيحاننان ءساتتى ءوتتى دەۋگە بولادى. ول ءوزىنىڭ ومىرشەڭدىگى مەن قوعامنىڭ سۇرانىسىنا قاراي وزگەرە الاتىندىعىن كورسەتتى، – دەپ سانايدى ن.احمەتزاكيروۆ.

سوت قىزمەت كورسەتۋلەرى

«سوت كابينەتىن» پايدالانۋشىلار – بارلىق سوت قىزمەتتەرىنە قولجەتىمدىلىكتىڭ ءبىرىڭعاي ەلەكتروندىق تەرەزەسىن ۇيدەن شىقپاي-اق كەز كەلگەن گادجەتتەن سوتقا ەلەكتروندىق وتىنىشتەردىڭ 90-نان استام ءتۇرىن جىبەرە الادى. سك-نىڭ ءموبيلدى نۇسقاسىن تەگىن كوشىرىپ الۋعا بولادى. سك ءوتىنىشتىڭ تىركەلۋىن، ونىڭ سوتتاعى قولدانىسىن (مارتەبەسىن) كورۋگە، سوت اكتىسىن جانە وتىرىستىڭ اۋديو- بەينەجازباسىن الۋعا مۇمكىندىك بەرەدى.

سك قۇجات اينالىمى مەن پوچتا بويىنشا قاراجاتتى ەداۋىر ۇنەمدەيدى. سەرۆيس جەدەل ءارى قاۋىپسىزدىكتى قامتاماسىز ەتەدى. ءبىراق، ەڭ الدىمەن، ول تاراپتارعا ءوزىنىڭ ورنالاسقان جەرىنە قاراماستان، سوتقا بارماي-اق وتىرىسقا قاتىسۋعا مۇمكىندىك بەرەدى. ول ءۇشىن وعان سك بويىنشا ارىز بەرۋ جەتكىلىكتى، ول سوتقا بەينەكونفەرەنس بايلانىس ارقىلى شىعۋ ۋاقىتى تۋرالى حابارلايدى.

كارانتين تەك قانا سوتتاردا ەلەكتروندىق قۇجات اينالىمىنىڭ «وسۋىنە» اكەپ سوقتى. ءقازىر رەسپۋبليكا سوتتارى سك ارقىلى وتىنىشتەردىڭ 90 %-دان استامىن قابىلدايدى.

– ادامدارعا قاعاز جۇزىندەگى حاتتاردى جىبەرۋدىڭ ماڭىزسىز ەكەنىن تۇسىنەتىن كەز كەلدى – دەزينفەكسيالاۋدان كەيىن بارلىق قاعاز قۇجاتتارى مىندەتتى تۇردە ەلەكتروندىق فورماتقا كوشىرىلەدى، – دەدى ن.احمەتزاكيروۆ.

جۇكتەمەنى ارتتىرۋ، ارينە، سەرۆيس جىلدامدىعىنا اسەر ەتەدى. بۇل كۇندەرى سوتتاردىڭ ءىت-ماماندارى كۇشەيتىلگەن رەجيمدە جۇمىس ىستەيدى.

بكب تولىققاندى سوت پروسەسى

ن. احمەتزاكيروۆ بارلىق سوتتارعا سوت ىستەرىن بەينەكونفەرەنس بايلانىس ارقىلى قاشىقتان وتكىزۋ ۇسىنىلعانىن حابارلادى. بۇل رەتتە ولاردىڭ: ستاسيونارلىق (پوليسيا جانە پروكۋراتۋرا عيماراتىنان) نەمەسە ۇتقىر (مەسەندجەرلەر ارقىلى سمارتفون، پلانشەت، نوۋتبۋك ارقىلى) جۇرگىزىلەتىنى ماڭىزدى ەمەس.

قاشىقتان وتەتىن سوت پروسەسى ءداستۇرلى سوت پروسەسىنەن وتكىزۋ تاسىلىمەن عانا ەرەكشەلەنەدى. ونلاين-پروسەستەر سوت وتىرىسىنىڭ ەلەكتروندىق حاتتاماسىندا – اۋديو، بەينەتىركەۋ دە تىركەلەدى.

– بۇل كۇندەرى سوت پروسەستەرىنىڭ 90%-ى بەينەكونفەرەنس بايلانىس ارقىلى جۇرگىزىلەدى. ءساۋىر ايىنىڭ سوڭىنا دەيىن ونىڭ قولدانىلۋىن 100%-عا دەيىن جەتكىزۋ جوسپارلانىپ وتىر. بۇل مىندەتتى شەشۋگە سوتتارداعى IT-تەحنولوگيالار مۇمكىندىك بەرەدى، – دەپ تۇيىندەدى ن.احمەتزاكيروۆ.

جۇيە بويىنشا بەلگىلى ءبىر ولقىلىقتار دا بار، ولار دا جۇكتەمەمەن بايلانىستى بولىپ وتىر. ولاردى جويۋ ءۇشىن بارلىق 390 سوت 237 ءموبيلدى بەينەكونفەرەنس بايلانىس سەرۆەرىمەن جابدىقتالعان.

تج رەجيمىندە سوت ءىسىن جۇرگىزۋدى ۇيىمداستىرۋ

سۋديالار سوت تورەلىگىن قاشىقتان جۇزەگە اسىرادى. شۇعىل ىستەردى كەستە بويىنشا قارايدى.

سۋديالار مەن سوت قىزمەتكەرلەرى ب ا ق پەن الەۋمەتتىك جەلىلەردە تج جاعدايىندا سوتتاردىڭ قالاي جۇمىس ىستەيتىنىن، ەلەكتروندىق سوت ءىسىن جۇرگىزۋلەردىڭ ارتىقشىلىقتارى مەن مۇمكىندىكتەرىن، ىت-سەرۆيستەرىنىڭ جۇمىسىن، سونداي-اق تالاپ قويۋ مەرزىمى مەن شاعىمدانۋ مەرزىمدەرىن قوسا العاندا، ءىس جۇرگىزۋ مەرزىمدەرىن ۇزارتۋ جانە قالپىنا كەلتىرۋ تۋرالى زاڭناما نورمالارىن بەلسەندى تۇردە ءتۇسىندىردى.

ازاماتتاردى قابىلداۋ، سەمينارلار مەن "دوڭگەلەك ۇستەلدەر" وتكىزۋ توقتاتىلدى. سوتتار تەمپەراتۋرانى ولشەۋ قۇرالدارىمەن، كۆارس شامدارىمەن، انتيسەپتيكتەرمەن، بەتپەردەلەرمەن قامتاماسىز ەتىلگەن. ءۇي-جايلاردى سانيتارلىق وڭدەۋ ۇنەمى جۇرگىزىلەدى، كەلۋشىلەرگە بەتپەردە تەگىن تاراتىلادى. سۋديالار مەن سوت قىزمەتكەرلەرىنىڭ، سونداي-اق سوت عيماراتتارىنداعى وزگە دە ادامداردىڭ اۋرۋ بەلگىلەرى بايقالعاندا ولاردى وقشاۋلاۋعا شۇعىل شارالار قولدانىلادى جانە جەدەل مەديسينالىق كومەك شاقىرىلادى.