ق ر ءبىلىم جانە عىلىم ءمينيسترى اسحات ايماعامبەتوۆ VI توقساننىڭ العاشقى كۇنىندەگى كورسەتكىشتەرىن مالىمدەدى. 

– ەلىمىز بويىنشا 3،2 ملن وقۋشى قاشىقتان وقۋدى باستادى. تەك ينتەرنەت جەلىسى ارقىلى 2،4 ملن وقۋشى ءبىلىم الدى. "كۇندەلىك" ەلەكتروندى جۋرنالىن 2،2 ملن وقۋشى قولداندى. وندا اتقارىلعان سەسسيا سانى 32 ملن قۇرايدى. بۇل - رەكوردتىق كورسەتكىش. ءبىر ادام ەلەكتروندى جۋرنالدى بىرنەشە رەت پايدالانعان.
Daryn online وقۋ قوسىمشاسىنا تiركەلiپ، وندا دايىندالاتىن ۆيدەوساباقتاردى كورۋگە 300 مىڭعا جۋىق وقۋشى كiرگەن.  Bilimland پلاتفورماسىنا 400 مىڭنان استام وقۋشى ۆيدەوساباقتاردىڭ بارلىعىن قاراپ، ءتيىستى سۇراقتارعا جاۋاپ بەرگەن، – دەدى ا. ايماعامبەتوۆ.

ءمينيستردىڭ ايتۋىنشا تەلەديداردا ساباقتار تاڭعى 09:00-دەن باستاپ ساباق كەستەسىنە ساي وتىلگەن جانە وقۋشىلار اقپاراتتى تەلەديداردان دا الا العانىن اتاپ ءوتتى.