پرەزيدەنت قاسىم-جومارت توقايەۆ "كوموسمولسكايا پراۆدا" گازەتىنە بەرگەن سۇحباتىندا ەلدە ەشقانداي قوسبيلىكتىڭ جوق ەكەنىن ايتتى، دەپ جازادى Qamshy.kz اقپارات اگەنتتىگى
گازەت ءجۋرناليستى پرەزيدەنتكە "ءسىز نۇرسۇلتان نازاربايەۆتىڭ ورنىن اۋىستىرعالى ءبىر جىلدان اسا ۋاقىت ءوتتى. ءبىراق ول ۇلكەن ساياساتتان كەتكەن جوق. كەيبىر ساياساتكەرلەر قازاقستانداعى قوسبيلىك تۋرالى ايتۋدا" دەگەن ساۋال تاستاعان-دى.
توقايەۆ نازاربايەۆتىڭ تاريحي ورنىنا توقتالا كەلە، قازاقستانداعى قوسبيلىكتى تەرىسكە شىعاردى.
– ەلىمىزدىڭ تۇڭعىش پرەزيدەنتى نۇرسۇلتان نازاربايەۆ زاماناۋي قازاقستاننىڭ نەگىزىن قالاۋشى، تاريحي الەمنىڭ كەسكىنى. جاقىن ارادا ءبىز ول كىسىنىڭ 80 جىلدىق مەرەيتويىن اتاپ وتەمىز. ارينە، ول كىسىنىڭ ەرەن ەڭبەگىن حالىقتىڭ الدىندا جانە حالىقارالىق كەڭىستىكتە ايتامىز. ءبىز ءۇشىن ونىڭ تاريحي جانە ساياسي مۇراسىن ساقتاپ قالۋ وتە ماڭىزدى، بۇل ءبىزدىڭ مەملەكەتتىڭ نىعايۋىنا قاجەتتى دۇنيە. ەلىمىزدە ەشقانداي قوسبيلىك جوق، بۇل تۋرالى نۇرسۇلتان نازاربايەۆتىڭ ءوزى بىرنەشە رەت ايتىپ، پرەزيدەنت اينالاسىنا شوعىرلانۋعا شاقىرعان بولاتىن، – دەپ جاۋاپ قايتاردى پرەزيدەنت.
پىكىر قالدىرۋ