قازاقستان رەسپۋبليكاسىنىڭ پرەزيدەنتI نۇرسۇلتان نازاربايەۆقا اشىق حات

قۇرمەتتi نۇرسۇلتان ءابiش ۇلى!

سiز ەلiمiز ءوز تاۋەلسiزدiگiن جاريالاعاننان كەيiنگi ساناۋلى كۇندەردە-اق، ءدالiرەك ايتقاندا، 1991 جىلى 31 جەلتوقساندا قازاقستاننىڭ تۇڭعىش پرەزيدەنتi سالاۋاتىڭىزبەن   قازاق راديوسى ارقىلى شەتەلدەردەگi قازاقتارعا ارناپ بىلاي دەگەن ەدiڭiز: «قىمباتتى وتانداستار! ەجەلگi اتامەكەننەن جىراقتاپ قالعان سiزدەردi كەشەگi كۇنگە دەيiن «اتا-بابا جەرiنە قايتا كەلە الامىز با؟» دەگەن سۇراقتىڭ الاڭداتىپ كەلگەنiن مەن جاقسى بiلەمiن. «تۋعان جەردiڭ ءتۇتiنi دە ىستىق» دەيدi حالقىمىز. قانداس باۋىرلارىمىزدى بايىرعى اتا قونىسىنا تارتۋ ماقساتىندا ادام قۇقىعى تۋرالى ەل ارالىق ەرەجەلەردi باسشىلىققا الا وتىرىپ، قازاقستان ۇكiمەتi: باسقا رەسپۋبليكالاردان جانە شەتەلدەردەن سەلولىق جەرلەردە جۇمىس iستەۋگە تiلەك بiلدiرۋشi بايىرعى ۇلت ادامدارىن قازاقستاندا قونىستاندىرۋدىڭ ءتارتiبi مەن شارتتارى تۋرالى ارنايى قاۋلى قابىلدادى. سوندىقتان، اتامەكەنگە كەلەمiن دەۋشi اعايىنعا جول اشىق. اتا-بابا ارۋاعى الدارىڭىزدان جارىلقاسىن!»

 جان تەبiرەنتەرلiك، جۇرەكجاردى وسى ءسوزiڭiزدەن سوڭ سiزگە سەنگەن جات جۇرتتاعى اعا¬يىن اتا جۇرتقا اعىلىپ ەدi.

سودان سوڭعى 22 جىلدا 860 مىڭعا جۋىق قانداسىمىز ءوز وتانىمەن قاۋىشىپ، قاتارىمىز ميلليوننان استام قازاقپەن تولىقتى. بۇل، ءسوز جوق، ۇلتىمىزدىڭ ۇلى جەتiستiگi!

وكiنiشكە قاراي، جۋىقتا رەسپۋبليكا ۇكiمەتiنiڭ ەڭبەك ميگرانتتارىنا بايلانىستى ءازiرلەگەن زاڭ جوباسىندا ءوز قانداستارىمىزعا قارسى باعىتتالعان باپتاردىڭ تىقپالانۋى جانە ونى قوس پالاتالى پارلامەنتتiڭ ماقۇلداۋى ەل-جۇرتتى قاتتى الاڭداتتى. ءاسiرەسە، ەلگە ورالعان  قانداستارىمىزدى ءوز ەلiنiڭ ازاماتتىعىن الۋ ءۇشiن تابانى كۇرەكتەي بەس جىل بويى سارىلا كۇتكiزەتiن زاڭ تالاپتارىن ەنگiزۋدi ەشقانداي جولمەن اقتاپ الۋعا كەلمەيدi. مۇنداي قادام قىزىل يمپەريا تۇسىندا الۋان ءتۇرلi ۇلتتىق قاسiرەتتi باستان وتكەرگەن قازاقتىڭ بۇگiنگi ۇرپاقتارىنا بەس جىل بويى ازاماتتىق بەرمەۋ –  قازاق حالقىن ودان ارى قورلاۋ دەپ بiلەمiز. ءوز تاعدىرىن ءوزiنiڭ تاۋەلسiز وتانىمەن بايلانىستىرىپ، سiزدiڭ ارقاڭىزدا ءبولiنiپ-جارىلعان تاعدىرمەن ماڭگiلiككە قوشتاسۋدان ءۇمiتتi اعايىندار ۇكiمەت پەن پارلامەنتكە قاتتى وكپەلi! ەندiگi جالعىز ءۇمiتi تەك سiزدە عانا!

بiز، قازاق زيالىلارى، جانە قالىڭ قاۋىم ۇلتىمىزدىڭ ۇيىسۋىنا جانە ۇلتتىق مەملەكەتiمiزدiڭ سالتانات قۇرۋىنا قارسى باعىتتالعان، ويلانباي جاسالعان مۇنداي قاتەلiكتiڭ كەسiرi تاريحي ءادiلەتتiلiكتi اياققا تاپتاپ، ميلليونداعان قانداستارىمىزدىڭ ءۇمiتiن جەلگە ۇشىرىپ، تاعدىرىن تالكەككە سالۋمەن بiرگە، الەۋمەتتiك جiكتەلiستەر مەن نارازىلىقتارعا مۇرىندىق بولاتىنىنا قاتتى الاڭداۋلىمىز. ەڭ وكiنiشتiسi، مۇنىڭ سالدارى سiزدiڭ «قۇيىلسىن كوشiڭ، جيىلسىن ەسىڭ» دەپ، تاباندى تۇردە باستاعان كوشi-قون ساياساتىڭىزعا كولەڭكە ءتۇسiرەدi، قازاق كوشiن قۇردىمعا كەتiرەدi. ۇلتتىق مۇددەمiز اسا اۋىر شىعىنعا ۇشىرايدى!

قادiرمەندi نۇرسۇلتان ءابiش ۇلى!

بiز سiزدiڭ ۇلت مۇددەسiنە قارسى باعىتتالعان مۇنداي ءتۇبi شيكi زاڭ جوبالارىنا قول قويۋ ارقىلى ءوزiڭiز باستاعان ۇلى كوشتiڭ بۇيداسىن ءوز قولىڭىزبەن قيىپ تاستامايتىنىڭىزعا   سەنەمiز!

ءابدiءجامiل نۇرپەيiسوۆ، قابدەش جۇمادiلوۆ، تۇرسىنبەك كاكiشيەۆ، مەكەمتاس مىرزاحمەتوۆ، دۋلات يسابەكوۆ، سماعۇل ەلۋبايەۆ، عابباس قابىشيەۆ، اسىلى وسمانوۆا،        جانۇزاق اكiم، زاۋرەش باتتالوۆا، سايلاۋ باتىرشا ۇلى، ساپابەك ءاسiپوۆ، زاردىحان قينايات، مامبەت قويگەلدi، ءالiمعازى داۋلەتحان، مارات توقاشبايەۆ، ەرمۇرات باپي، قازىبەك يسا، ارتىقباي ۇكiبايەۆ، ايدوس سارىم، راحىم ايىپ ۇلى، داۋرەن قۋات.