تالدىقورعانداعى «اتامەكەن» كاسىپكەرلەر پالاتاسىندا «G-Time corporation» كومپانياسىنىڭ ۇيىمداستىرۋىمەن «دەنساۋلىق جانە سۇلۋلىق كۇنى» اتتى كورمە. شارادا اتالمىش كومپانيانىڭ حيميالىق قوسپاسىز ونىمدەرى كوپشىلىككە تانىستىرىلادى. سونىمەن قاتار، تالدىقورعان قالاسىنداعى كوپبالالى جانە جاعدايى تومەن 10 وتباسىنا كومەك رەتىندە ازىق-تۇلىك جانە زاۋىت ونىمدەرى سالىنعان  سەبەتتەر ۇلەستىردى.

جيىننىڭ اشىلۋ سالتاناتىندا ءسوز العان «G-Time corporation» كومپانياسىنىڭ گەنارنىي ديرەكتورى داۋرەن جۇماعۇلوۆ:

– G-Time – تەك قازاقستاندا عانا ەمەس، شەتەلدە دە ەڭ ءىرى جانە ەلەۋلى كورپوراسيالاردىڭ ءبىرى بولىپ تابىلادى. قازاقستاندىق «G-time corporation» كومپانياسىنىڭ «شۇعىلا شۋنگيت»،  "Golden Time Group"  دەگەن زاۋىتتارى بار. بۇل زاۋىتتاردان دەنساۋلىققا پايدالى ءارى باعاسى قولجەتىمدى ونىمدەر شىعادى.  ونىمدەردىڭ  قۇرامىندا جوعارعى دەڭگەيلى تازارتۋ جانە ەمدىك قاسيتەتتەرگە يە شۋنگيت بار.  قازىرگى تاڭدا وسى زاۋىتتاردان شىعارىپ وتىرعان دۇنيەلەردى يننوۆاسيالىق ءونىم دەپ اتاۋعا تولىق نەگىز بار. ويتكەنى مۇنداي ءونىم دۇنيەجۇزىنىڭ ەشبىر ەلىندە جوق. قازاقستاندا  شىعىپ وتىرعان پايدالى زاتتار الەمنىڭ 82 مەملەكەتتىندە ۇلكەن سۇرانىسقا يە بولىپ وتىر، – دەدى.

وسىدان كەيىن  اتالمىش كومپانيانىڭ ترەنەر-كونسۋلتانت، كوسمەتولوگى گۇلنار مىرزابەوۆا:

– تازا، تابيعي وتاندىق ءونىمدى جۇرتشىلىققا تانىستىرۋ ءۇشىن بۇگىنگى شارانى ۇيىمداستىرۋدى ءجون كوردىك. ماقسات – حيميالىق قوسپاسىز جاسالعان وتاندىق ءونىمنىڭ پايداسىن كورسەتۋ. بۇگىنگە دەيىن ءبىزدىڭ كومپانيادان شىققان سابىندار مەن ءتۇرلى كرەمدەر 33 ءتۇرلى تەرى اۋرۋلارىنا كومەكتەستى. ەمدىك قاسيەتى وتە مول ونىمدەرىمىز – كۇندەلىكتى قولدانىسقا ارنالعان. ەڭ كەرەمەتى – ەرلەرگە، ايەلدەرگە، بالالارعا دەپ بولىنبەيدى. بارلىعى قولدانا بەرسە بولادى، – دەي كەلە شىعارىلىپ جاتقان ونىمدەردىڭ ءارقايسىسىنا جەكە-جەكە توقتالىپ، جۇرتشىلىققا پايداسىن تولىقتاي تارقاتىپ بەردى. سونداي-اق، شارانى ۇيىمداستىرۋعا مۇرىندىق بولعان وبلىس اكىمدىگى مەن «اتامەكەن» كاسىپكەرلەر پالاتاسىنىڭ قىزمەتكەرلەرىنە العىسىن ايتتى.

وسىدان كەيىن كومپانيا قىزمەتكەرلەرى تۇرمىسى تومەن وتباسىلارعا ازىق-تۇلىك پەن وتاندىق ءونىم سالىنعان سەبەتتەر تاراتتى. كومەك العان تۇرعىندار جانى جايساڭ جومارت جاندارعا العىسىن ايتىپ، اقجارما تىلەكتەرىن اقتاردى.

شارا بارىسىندا تۇرعىندارعا تەرى قۇرامىن تازالاۋ، ماسساج جاساۋ، ىلعالدىلىقتى تولتىرۋ، ۇيدە قول-اياقتى قالاي كۇتۋ كەرەكتىگى سىندى ءبىرقاتار قىزمەتتەر تەگىن كورسەتىلدى. ءيا، شاراعا جينالعان حالىقتىڭ قاراسى وتە كوپ بولدى. ولار كەزەك-كەزەكپەن مەكەمەگە كىرىپ كەڭەستەرىن الۋدا. اينالدىرعان 2-3 ساعاتتىڭ وزىندە 100-دەن استام تۇرعىنعا تەگىن كومەك كورسەتىلدى. ءتىپتى، «كەتپەڭىزدەر، جۇمىستان سوڭ كەلەمىز»، – دەگەن جاندار كوپ بولدى. ال ارنايى قىزمەت العاندار كومپانيا قىزمەتكەرلەرىنە العىستارىن جاۋدىردى.

50-دەن استام ءونىم تۇرلەرىن شىعاراتىن كاسىپورىندا – قول جانە اياق كرەمى، كوسمەتيكالىق بالزامدار، سۋسابىن، دۋشقا ارنالعان گەلدەر، سكرابتار، بەت ماسكالارى، دەنەگە ارنالعان لوسوندار سىندى كوپتەگەن كرەمدەرىڭ تۇرلەرى بار ەكەن. سونىمەن قاتار، تەرى اۋرۋلارىمەن كۇرەسۋگە مۇمكىندىك بەرەتىن سابىن وندىرىلەدى. بۇل زاتتار الدىمەن زەرتحانالاردا، ودان كەيىن ونەركاسىپتىك سىناقتاردان وتكىزىلەدى. تەك سودان كەيىن عانا جاپپاي وندىرۋگە جانە ساتۋعا جىبەرىلەدى. بۇل ونىمدەر تەك قازاقستان بويىنشا عانا ەمەس، الىس-جاقىن شەتەلدەرگە دە تاراتىلادى.

ايدار قالييەۆ