ۇستالعانى حابارلانعان اقتوبە وبلىسى ءماسليحاتىنىڭ دەپۋتاتى اركاديي ني ءىسى توڭىرەگىندە ءتۇرلى اقپارات تاراپ جاتىر.
دەپۋتاتتىڭ ۇستالعانى تۋرالى اقپارات شىققانىن العاش پرەمەر-مينيستردىڭ شتاتتان تىس كەڭەسشىسى ەربول ەدىلوۆ telegram كانالىندا حابارلانعان.
ارتىنشا، اقتوبە وبلىستىق پوليسيا دەپارتامەنتى tengrinews.kz تىلشىسىنە دەپۋتاتتىڭ ۇستالعانىن راستاعان. ءبىراق قانداي ايىپ تاعىلىپ وتىرعانىن اشىپ ايتپادى.
ۇزاماي NurOtan پارتياسىنىڭ اقتوبە وبلىستىق فيليالى ساياسي كەڭەس بيۋروسى اركاديي ني پارتيا قاتارىنان شىعارىلعانىن مالىمدەدى.
قىلمىستىق ءىس تۋرالى ناقتى رەسمي اقپارات تاراماعانىمەن، ءتۇرلى telegram ارنالار مەن ءبىرقاتار سايتتاردا قىلمىستىق ءىستىڭ "بارىسى" تۋرالى جازىلا باستادى.
"چينوۆنيك kz" كانالى اقتوبەدە 4 جەلتوقسان كۇنى 2005 جىلعى قىز 1984 جىلعى اناسىنا ارىزدانىپ پوليسياعا جۇگىنگەنىن حابارلادى.
"اناسى اكەلەرى بولەك 4 قىزدى ءوسىرىپ وتىر. قىزدىڭ سوزىنشە، شەشەسى دەپۋتات نيمەن ەكى رەت تامىز جانە قازاندا جىنىستىق قاتىناسقا تۇسۋگە ماجبۇرلەگەن. ني 5 جەلتوقساندا اقتوبە اۋەجايىندا ۇستالعان. 5 جەلتوقساننان باستاپ ۋاقىتشا ۇستاۋ يزولياتورىندا. كىناسىن تولىقتاي تەرىستەيدى" دەلىنگەن جازبادا.
Ratel.kz سايتى دەپۋتاتقا قىلمىستىق كودەكستىڭ 122-بابى (ون التى جاسقا تولماعان اداممەن جىنىستىق قاتىناس نەمەسە سەكسۋالدىق سيپاتتاعى وزگە دە ارەكەتتەر جاساۋ) بويىنشا ايىپ تاعىلىپ وتىرعانىن حابارلادى.
سونداي-اق باسىلىم دەپۋتات قىزبەن بىرنەشە رەت قاتىناسقا تۇسكەنىن، العاشقى جىنىستىق قاتىناس ءۇشىن 1 ملن تەڭگە، ودان كەيىنگى قاتىناستارعا 50 مىڭ تەڭگە تولەگەنى، جالعا الىنعان پاتەر انىقتالعانى تۋرالى جازدى.
"دەپۋتاتتىڭ ادۆوكاتى اقشا قىزدىڭ اناسىنا ماتەريالدىق كومەك ەسەبىندە بەرىلگەنىن ايتىپ جاتىر. پوليسياعا ەگدە جاستاعى ەر ادام ارەنداعا الىنعان پاتەرگە جاس قىزبەن كەلگەنى تۋرالى اقپاراتتى قىراعى تۇرعىندار بەرگەن" دەلىنگەن بباسىلىم تاراتقان اقپاراتتا.
اقتوبە وبلىستىق ءماسليحاتىنىڭ سايتىندا اركاديي ني 1961 جىلى 25 ناۋرىزدا قىرعىزستان رەسپۋبليكاسى بىشكەك قالاسىندا دۇنيەگە كەلگەنى، 2006 جىلدان باستاپ قازىرگى ۋاقىتقا دەيىن اقتوبە قالاسىنداعى "روكوس" كت باسشىسى ەكەنى جازىلعان. سونداي-اق ول اقتوبە وبلىستىق ءماسليحاتىنىڭ 5-6 شاقىرىلىمدارىنىڭ دەپۋتاتى، قازاقستان كارىستەرى قاۋىمداستىعى كەڭەسىنىڭ اقتوبە فيليالىنىڭ باسقارما مۇشەسى، "قازاقستان تەننيس فەدەراسياسىنىڭ" اقب اقتوبە وبلىسى بويىنشا فيليالىنىڭ ديرەكتورى.
پىكىر قالدىرۋ