"قارا بۇركىت" دەپ اتالاتىن ەرەكشە ءقاۋىپتى قىلمىسكەرلەرگە ارنالعان كولونياعا ادىلەت پودپولكوۆنيگى نۇربەك قابدىكارىموۆ باسشى بولىپ تاعايىندالدى. بۇل تۋرالى zakon.kz حابارلادى.
ول 1982 جىلى 21 قاڭتاردا شىعىس قازاقستان وبلىسى، تارباعاتاي اۋدانى، اقجار اۋىلىندا دۇنيەگە كەلگەن. ول قۇقىق قورعاۋ ورگاندارىندا 2000 جىلدان باستاپ جۇمىس ىستەيدى. سوڭعى قىزمەتى – قوستاناي قالاسىنىڭ "ۋك-161/1" رمۋ باسشىسىنىڭ ورىنباسارى.
وسى جىلدىڭ تامىز ايىنىڭ سوڭىندا "قارا بۇركىت" كولونياسىنىڭ باستىعى ارمان ابىليەۆتىڭ قاماۋعا الىنعان. ول "سوتتالعانداردى قاناتىنىڭ استىنا الىپ، جالپى قامقورلىق تانىتقانى" ءۇشىن 1 ميلليون تەڭگە كولەمىندە پارا الدى دەگەن كۇدىككە ءىلىندى.
"قارا بۇركىت" – قوستاناي وبلىسى قاج توتەنشە قاۋىپسىزدىك مەكەمەسى. مۇندا اسا ءقاۋىپتى قىلمىسكەرلەر جازالارىن وتەپ جاتىر.
2012 جىلى 14 ارىپتەسىن ولتىرگەنى ءۇشىن ءومىر بويىنا سوتتالعان ۆلاديسلاۆ چەلاح وسى كولونيادا جازاسىن وتۋدە. ودان بولەك، 10 ادامنىڭ ولىمىنە، سونداي-اق 3 ازاماتتى ولتىرۋگە وقتالعان تەرروريستىك اكت جاساعانى ءۇشىن 68 جىلعا، كەيىن ءومىر بويىنا باس بوستاندىعىنان ايىرۋعا جانە ءولىم جازاسىنا كەسىلگەن رۋسلان كۇلەكبايەۆ تا وسىندا وتىر.
پىكىر قالدىرۋ