بۇگىندە مەكتەپتەر مەن بالاباقشالار 100% بەينەباقىلاۋ جۇيەسىمەن جابدىقتالعان. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ مالىمدەدى.

– مەكتەپتەر مەن بالاباقشالار 100% بەينەباقىلاۋ جۇيەسىمەن جابدىقتالعان. ءبىراق ونىڭ 25-21%-ى بەكىتىلگەن تالاپتارعا سايكەس كەلمەيدى. ءبىز جۋىقتا عانا اۋقىمدى تەكسەرۋ جۇمىستارىن جۇرگىزگەن بولاتىنبىز. سول كەزدە وسى ماسەلە انىقتالدى. تەك قانا 823 مەكتەپ نەمەسە 11،4%-نىڭ بەينەباقىلاۋ جۇيەسى پوليسيا ورگاندارىنىڭ جەدەل باسقارۋ ورتالىعىنا قوسىلعان. ال ارنايى كۇزەتپەن قامتىلعان مەكتەپتەردىڭ سانى 466 عانا، كەمىندە 6-4%-دى قۇرايدى، – دەدى ايماعامبەتوۆ.

ءمينيستردىڭ ايتۋىنشا، بارلىق مەكتەپتىڭ 14،9%-ىندا عانا "دابىل" تۇيمەسى ورناتىلعان. ول جاقىن ارادا بارلىق مەكتەپتەردى "دابىل" قۇرىلعىلارىمەن قامتۋ قاجەتتىگىن جانە ءتيىستى جۇمىستار جۇرگىزىلەتىنىن جەتكىزدى.

وقي وتىرىڭىز: "گرانت سانىن 2 ەسەگە كوبەيتتىك". ايماعامبەتوۆ مالىمدەمە جاسادى