پرەزيدەنت قاسىم-جومارت توقايەۆتىڭ جارلىعىمەن شارىن شاتقالىندا وقۋشىلاردى قۇتقارۋ كەزىندە قايتىس بولعان №199 گيمنازيانىڭ ءمۇعالىمى مەرەي يبراگيموۆ "ەرلىگى ءۇشىن" مەدالىمەن ماراپاتتادى. بۇل تۋرالى اقوردا سايتى حابارلادى.
"ادام ءومىرىن ساقتاپ قالۋعا بايلانىستى قيىن-قىستاۋ جاعدايدا كورسەتكەن ەرجۇرەكتىگى مەن جانقيارلىعى ءۇشىن الماتى قالاسى № 199 مامانداندىرىلعان گيمنازيا كمم ءمۇعالىمى مەرەي نۇرعازى ۇلى يبراگيموۆ "ەرلىگى ءۇشىن" مەدالىمەن ناگرادتالسىن (مارقۇم)" دەلىنگەن جارلىقتا.
29 مامىر كۇنى الماتى وبلىسىنىڭ شارىن شاتقالىندا سەل ءجۇرىپ، سونىڭ سالدارىنان ەكسپەديسيادا جۇرگەن ءمۇعالىم، اتا-انا، وقۋشىلاردان تۇراتىن توپتاعى ءبىر ءمۇعالىم مەن ءبىر وقۋشى مەرت بولىپ، ءبىر وقۋشى تاۋلىككە جۋىق ۋاقىتتان كەيىن تابىلعان. تاعى 6 ادام زارداپ شەككەن.
پىكىر قالدىرۋ