بۇقارالىق اقپارات قۇرالدارىندا تاراعان "كرەديت راقىمشىلىعىن" ۇزارتۋ تۋرالى اقپارات شىندىققا جاناسپايدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى.
"قازاقستاندا ازاماتتار ءۇشىن "كرەديتتىك راقىمشىلىقتى" ۇزارتۋ جوسپارلانىپ وتىرعانى تۋرالى ءبىرقاتار باق-تاعى جاريالانىمدار جۋرناليستەردىڭ "اشىق دەرەكتەر" پورتالىندا ورنالاستىرىلعان ۇكىمەت قاۋلىسىنىڭ جوباسىن دۇرىس تۇسىندىرمەۋىنە نەگىزدەلگەن جانە شىندىققا سايكەس كەلمەيدى" دەلىنگەن مالىمدەمەدە.
مينيسترلىك دەرەگىنشە، ازاماتتارىنىڭ بورىش جۇكتەمەسىن ازايتۋ 3 كەزەڭدە جۇرگىزىلگەن. ءبىرىنشى كەزەڭدە ەسەپتەن شىعارۋ 2019 جىلدىڭ قىركۇيەگىندە 507،4 مىڭ ازاماتقا جالپى سوماسى 105،2 ملرد تەڭگەگە، ەكىنشى كەزەڭدە 2019 جىلعى جەلتوقساندا 46،9 مىڭ ازاماتقا جالپى سوماسى 9،8 ملرد تەڭگەگە جۇزەگە اسىرىلعان.
ۆەدومستۆو بۇگىنگى كۇنى بەرەشەكتى ەسەپتەن شىعارۋ بويىنشا بارلىق جۇمىستار اياقتالعانىن جانە ولاردى قايتا باستاۋ بولجانىپ وتىرماعانىن ءمالىم ەتتى.
پىكىر قالدىرۋ